VOV4.Bahnar - Kiơ̆ đơ̆ng Kŏng ty ŭnh hơyŭh Dak Nông, đơ̆ng blŭng sơnăm trŭh dang ei, hơnĭh au hlôi dăr lăng vă jê̆ 4.400 ‘nu tơmoi iŏk yua ŭnh hơyŭh păng ƀô̆h 642 ‘măng pơm glăi. Lơ̆m au, 21 ‘măng tơtông ŭnh hơyŭh, 474 ‘măng pơm glăi găh kơ jă ŭnh hơyŭh păng 142 ‘măng pơm glăi anai.

Akŏp kơsô̆ jơ ŭnh hơyŭh pơm glăi hrŭ ăn ‘nŏh 12.845 kWh, hăm kon jên 365 trĭu hlak jên. Kŏng ty hlôi pơtrŭh ăn hơnĭh bơ̆ jang kơpal xek phak 21 ‘măng. Trŭh dang ei, rim hơnĭh bơ̆ jang kơpal hlôi tơlĕch tơdrong tơchơ̆t phak tơbrar hăm 4 ‘măng pơm glăi păng xek phak jên 1 ‘măng pơm glăi, hăm kon jên 12 trĭu 500.000 hlak jên. Rim ‘măng tơtông ŭnh hơyŭh găh lơ pơ yua ăn tơ̆k hơdăh lơ̆m ŭnh hnam, hmă hmă bơngai pơm glăi iŏk tơlei kap kong chô̆ hloi tơ̆ tơlei hă thê̆ vă iŏk yua ư̆h kơ chô̆ tơ̆ hơla jơ ŭnh hơyŭh. Vă đei ƀô̆h rim tơdrong pơm glăi, hơnĭh jang ŭnh hơyŭh rim tơring hơnơ̆ng bơ̆ jang dăr lăng hơdăh tơmoi iŏk yua ŭnh hơyŭh.

Tơblơ̆ nơ̆r: Amazưt