VOV4.Bahnar - Pơdăh tơdrong jơnei kơ hnưr erih Điện Biên Phủ jing anih juăt joe hăm rim bngai [ơ\t đei ‘măng vih apong Điện Biên. ‘Nâu jing cham char kăp g^t pơm gru kơnăl găh tơdrong jơnei ang bang kơ ja#p tơring teh khei năr adrol ki hăm lơ hla bar chih răk, tơmam drăm, um ru\p pơdăh lang lap.

Iung ming man đơ\ng khei 10 xơnăm 2012 lơ\m hơgăt teh xă 22.000 m2, hăm kxo# jên axong hloh 211 tih hlak jên, anih pơdăh kơ tơdrong jơnei Điện Biên Phủ jing tơdrong ming man tơm vă xơng kơ kuh kơ ‘măng tơbăt 60 xơnăm đei jơnei Điện Biên Phủ. ‘Nâu jing tơdrong ming man kăp g^t, tih kjăp păng ‘lơ\ng hloh dêh char Điện Biên đơ\ng xơ\ truh dang ei.

Hnam pơdăh đei man kiơ\ um đoăn, găh tơdrong pơro\ tăp dăr noh đei man nhen um plei trám pơtih nhen hơnhoăl krôp ja#p môk [ô đo#i, đei 1 tăl hơlu\ng păng 1 tăl tơ\ kpal. Lơ\m noh, tăl hơlu\ng jing anih xơng tơmoi truh tơmang, cham char ho\k hơlen, păng dôm anih ‘măng pơchơt pơhiơ\. Tăl tơ\ kpal noh anih pơdăh tơmam drăm tơroi kơ tơdrong đei jơnei Điện Biên Phủ, cham char tôm kơ anih jang. Mă kăl noh tôm lơ\m lăm kơ tăl mă 2 kơ hnam pơdăh đei ‘măn um pơdăh d^l v^l. ‘Nâu jing tơmam kăp g^t hloh lơ\m tơdrong pơdăh kơ hnam pơdăh tơmam, jing um d^l v^l mă blu\ng đei pơm tơ\ Việt Nam. Um d^l v^l gô vih tơbang hơdăh tơpăt hloh găh kơdrăn tơblăh Điện Biên Phủ xơ\.  

        Hnam pơdăh đei vă je# 1.000 hla bar chih răk, tơmam drăm, um ru\p, tơgop pơm hơdăh kăp g^t kơ tơdrong tơblăh ayăt Phlăng đơ\ng khul linh păng kon pơlei bơ\n, lơ\m noh mă hăt noh 56 măng năr koer kông, ưh kơ mơ\ng to# ‘mi, xo\ng por ‘nu\ng vă kho\m tơblăh jơnei Điện Biên Phủ kơ hnưr erih, pơm ăn rim bngai truh tơmang tơ\ âu măh vơch [rơ\k kơ jơhngơ\m [ơ\t vih hơdơ\r.

{ok Vũ Quang Thành, linh xo oei tơ\ apu\ng Lục Ngạn, dêh char Bắc Giang ăn tơbăt: Năm ‘măng mă blu\ng mă lei inh [ôh Hnam pơdăh kơ Điện Biên Phủ noh nuih mơng tơpă. Đei [ôh đang măt minh [ar tơmam drăm, duh nhen dôm tơring, dôm anih tơbăt lơ\m tơdrong tơblăh Điện Biên Phủ, inh chơt hơ iă mă lei adoi [rơ\k kơ jơhngơ\m mơ\n.

Oei [ok Monique, tơmoi đơ\ng teh đak Phlăng noh akhan: Inh hơ iă [ơ\t đei axong năm apong Điện Biên Phủ. Mă kăl noh, đei truh apong Hnam pơdăh kơ tơdrong jơnei, inh [ôh âu jing minh tơdrong ming man tih păng kăp g^t. Dôm tơmam drăm tơ\ âu adoi đei ‘măn pơro\ ‘lơ\ng păng tơblang hơdăh. Kơnh chôt vih tơ\ teh đak Phlăng, noh inh gô pơma dơnuh hăm bôl boăl inh găh tơdrong pơro\ duh nhen ‘măn tơmam drăm bơ\ng pang tơ\ âu.

Gơnơm tơdrong atu\m jơhngơ\m đơ\ng dôm anih jang, tơ ‘ngla bngai tơgu\m lơ\m ja#p tơring kơ teh đak, mă hăt noh khul linh xo hlôi ako\m tơ\ kơdrăn tơblăh Điện Biên Phủ mă Hnam pơdăh ke\ đei lơ tơmam kăp g^t, nhen gre cút kít kơ [ok Trịnh Đình Bầm, hăm minh jơ\ng gre đei bơ\ đơ\ng chơnang xoi [lo\k kơ yă [ok, gre ke\ chơ truh 280kg tơmam xa lơ\m minh ‘măng chơ, yuơ noh lơ\m 4 khei, hăm trong ataih 20km, [ok Bầm hlôi pơtruh đei hloh 12 tấn tơmam xa truh kơdrăn tơblăh; đang kơ noh xăng yua lơ tơdrong đơ\ng Thiếu úy Nguyễn Dũng Chi io\k đei tơ\ hơlu\ng Christian de Castries; Sơn Pháo 75 ly kơ bngai nuih mơng Phùng Văn Khầu; Phao kơnong 105 ly hlôi pơnăh ‘mra#m mă blu\ng tơ\ Him Lam, pơih blu\ng ăn tơdrong tơblăh Điện Biên Phủ…

Hăm kang [o#, bngai jang tơ\ Hnam pơdăh, tôm noh đei rơneh păng tih vơ\ lơ\m chăl rơngei hiôk hian, mă lei adoi đei tơmơ\ng tơroi lơ găh tơdrong tơblăh jơnei  Điện Biên Phủ, dang ei kơtă vang vei răk tơ[ăk mong păng tơbang kjă kơ hnưr erih kăp g^t noh, tơpă jing tơdrong hơ iă pơ ư pơ ang tih tên. ‘Nho\ng Nguyễn Ngọc Linh, jang tơroi tơbăt tơ\ Hnam pơdăh jơnei Điện Biên Phủ tơroi: Inh noh kon hơ ioh kơ hơgăt teh Điện Biên. {ok inh xơ\ hlôi ako\m tơblăh tơ\ hơgăt teh Điện Biên Phủ. {ơ\t oei ‘la#p inh duh đei tơmơ\ng [ok inh tơroi kơ lơ tơdrong tơblăh đei jơnei kơ [ok tơ\ Điện Biên. Ăh oei ‘la#p inh duh ưh kơ băt hơdăh noh kơdih ba jang tơroi tơbăt, mă lei kiơ\ kơ dôm tơdrong mă [ok inh tơroi noh ăh tih vơ\ inh hlôi xkơ\t hơyak kiơ\ păng ho\k găh tơmang pơhiơ\, păng truh dang ei inh ho\k đang păng vih bơ\ jang tơ\ kơdih pơlei pơla po. Inh hiôk jơhngơ\m tôch dêh.

Hnam pơdăh kơ tơdrong jơnei Điện Biên Phủ ‘nao keh đang ăh jăl mă 1, mă lei hlôi xơng lơ tơmoi truh tơmang. Lơ\m noh, ăh xơnăm 2014 hloh 570 rơbâu ‘nu bngai păng dôm khei blu\ng xơnăm âu noh je# 70 rơbâu ‘nu

Lơ\m jăl pơtoi, Hnam pơdăh kơ tơdrong jơnei Điện Biên Phủ gô pơtoi đei tơle\ch ming man Hnam pơdăh tơ\ ‘ngoaih, cham ‘nhe\t, trong vih vơ\t lơ\m tơring tơmang... Tôm tơdrong ming man ăh jăl mă 2 kơ Hnam pơdăh gô keh đang ăh xơnăm 2016. {ok Đoàn Văn Chì, Pho\ kdră Anih joh ayo\ tơroi tơbăt – Tơplo\ng kơdâu păng tơmang pơhiơ\ dêh char  Điện Biên ăn tơbăt: Lơ\m khei năr truh nhôn duh oei pơtoi pơgơ\r Hnam pơdăh pơtoi pơih ‘măng vă ăn tơmoi truh tơmang. Mă 2 noh hơto\k pơ ‘lơ\ng dôm tơdrong jang tơroi tơbăt. Vưh âu ki nhôn duh hơmet kang [o# jang lơ\m anih jang, kơlih tơpă noh khul jang tơroi tơbăt kơ Hnam pơdăh to\ xe\t đe\ch. Nhôn hlôi pơih lăm pơhrăm ăn 60 ‘nu bngai ho\k, jo# hloi hăm bngai jang tơroi kơ Hnam pơdăh păng jang kang [o# lơ\m tôm anih jang, atu\m hăm minh [ar ‘nho\ng oh đei pơtho găh tơdrong jang lơ\m dêh char mă nhôn krao khul bngai năm jang tơgu\m. Kiơ\ đơ\ng tơdrong pơhrăm noh, mă kăl kiơ\ ‘măng tơbăt 60 xơnăm đei jơnei Điện Biên Phủ, nhôn hlôi rơih minh [ar kang [o# juăt jang găh Hnam pơdăh kơ tơdrong jơnei. Păng dang ei nhôn xđơ\ng [iơ\ bơih hăm khul bngai jang tơroi tơbăt kơ Hnam pơdăh.

Tơdrong ming man kơ minh Hnam pơdăh kăp g^t kơ teh đak tơ\ dêh char Điện Biên hlôi păng to\k bo\k tơgop pôk pơ ư kjă kăp g^t kơ hnưr erih kơ hdrung hdre\ch. Kiơ\ kơ dôm um ru\p, hla bar chih răk, tơmam pơdăh, rim bngai truh tơ\ âu roi hlôh vao hơdăh kơ khei năr nuih mơng, mă anih tơm noh tơdrong tơblăh đei jơnei tih “mă đe ư ang ja#p tơring teh” đơ\ng hdrung hdre\ch bơ\n, vă đơ\ng noh roi xkơ\t kho\m mă pơjing minh Điện Biên Phủ păng teh đak Việt Nam roi năr roi ‘lơ\ng ro\ hloh.

Lan chih tơblang