VOV4.Bahnar - Oei jang tơ\ apu\ng Đak Tô, dêh char Kon Tum, dôm xơnăm kơ âu, jang kiơ\ tơchơ\t jang atu\m đơ\ng anih jang y tế păng khul linh, Trung đoàn 24, Sư đoàn 10 hlôi jang hadoi hăm anih jang y tế xăh Tân Cảnh, apu\ng Đak Tô, dêh char Kon Tum pơjing hnam pơgang linh - kon pơlei, rim xơnăm pơgơ\r khăm păng hơmet j^ ăn kơ rơbâu ‘nu kon pơlei tơ\ tơring. Tơdrong jang kăp g^t âu hlôi tơgop hơto\k pơ ‘lơ\ng tơdrong jang y tế tơ\ tơring; atu\m hăm noh tơ[ôh đon bơnôh khul linh păng kon pơlei tơguăt tơklep kjăp đơ\ng {ô đo#i {ok Hồ tơ\ hơgăt teh găh tu Tây Nguyên.

Đơ\ng pơgê hrôih, ‘nho\ng A Thọ (bngai Rơ Ngao) oei tơ\ pơlei Đak Ri Dốp ‘nhăk kon drăkăn hơnăn Y Nhiên truh hnam pơhang linh - kon pơlei xăh Tân Cảnh, apu\ng Đak Tô vă khăm hơlen dơ\ng yuơ j^ minh păh jơ\ng. A Thọ ăn tơbăt, pơlei ‘nho\ng noh găh to gơng hơneh, ataih đơ\ng hnam pơgang linh - kon pơlei hloh mơ j^t kxo#. Adrol ki, trong vih vơ\t tơnap tap, ataih đơ\ng hnam pơgang apu\ng, noh rim ‘măng j^ pơlo\, kon pơlei hơnơ\ng hơmet j^ kiơ\ trong hlôh vao xo, đunh năr mă lei duh ưh kơ klaih. Lơ bngai j^ đunh xơnăm mă ưh kơ băt tơdrong j^ kiơ; pho\ noh lôch hơchăng mă ưh kơ băt kơlih kiơ. Đơ\ng đei hnam pơgang linh - kon pơlei đei ming man tơ\ xăh Tân Cảnh, mih ma duch nă lơ\m pơlei đei vei lăng tơnăp găh jơhngơ\m jăn. ‘Nho\ng A Thọ tơroi: “Unh hnam mă đei bngai j^ pơlo\, inh hơnơ\ng năm tơ\ bri pe\ hla pơgang vă chă huch. Đơ\ng băt đei hnam pơgang âu, unh hnam đei bngai j^ pơlo\ noh inh ‘nhăk truh hơmet tơ\ hnam pơgang âu ngăl. Unh hnam inh hmach bơnê kơ thây pơgang linh tơ\ âu”

Jang kiơ\ tơdrong jang hadoi đơ\ng Anih tơm Y tế păng Anih tơm linh vei xđơ\ng tơpôl teh đak, đunh kơ âu 6 xơnăm, hnam pơgang xăh Tân Cảnh păng hnam pơgang 24, kơ Trung đoàn 24, Sư đoàn 10, Quân đoàn 3 jang hadoi pơjing hnam pơgang linh - kon pơlei Tân Cảnh. Y sih Nguyễn Thị Thanh Huyền, Kdră hnam pơgang xăh Tân Cảnh ăn tơbăt, rim năr hnam pơgang 24 adoi pơtruh đơ\ng 1 truh 2 ‘nu [ak sih jang hadoi hăm kang [o# y tế tơ\ tơring khăm hơmet j^ ăn kon pơlei. Adrol ki, hnam pơgang xăh Tân Cảnh adro# chă khăm hơlen mă blu\ng đe\ch, dăh mă chă hơmet pơ\n anih rơka ie\... mă lei đơ\ng đei tơdrong tơgu\m đơ\ng thây pơgang tơ\ hnam pơgang 24, tơring hlôi gơh chă khăm hơmet lơ tơdrong j^ hlăm nhen pơ ‘ngeh tơxoh, hơmet rơka hơbur. Yă Nguyễn Thị Thanh Huyền ăn tơbăt: “Minh năr noh khăm hơmet j^ ăn đơ\ng 20 truh 30 ‘nu bngai j^ păng hơmet ăn dôm bngai j^ hlăm, pơtih nhen bngai [ơm xar bar. Kon pơlei hmach bơnê kơ thây pơgang tơ\ hnam pơgang 24 gơh rơgei păng dơnưp”

            Bngai jang tơ\ hnam pơgang 24, Trung đoàn 24 noh 5 ‘nu, đei hloi [ak sih, y sih păng y tă. Hăm xơnong jang mă blu\ng noh vei lăng jơhngơ\m jăn ăn kang [o# linh tơ\ anih linh; jo# hloi lơ\m tơdrong pơhrăm dăh mă xar bar lơ\m chă pơrok pơhrăm tơ\ ‘ngoaih cham char, mă lei khul thây pơgang tơ\ hnam pơgang 24 duh oei jang tơnăp tơdrong jang khăm hơmet j^ tơ\ hnam pơgang linh - kon pơlei Tân Cảnh. Ưh kơ adro# thoi noh, rim xơnăm, khul thây pơgang tơ\ âu oei pơgơ\r lơ ‘măng khăm hơmet j^, axong pơgang ưh kơ io\k jên ăn dôm pơlei tơnap tap, tơring kon pơlei kon kông; tơroi pơtho akhan ăn kon pơlei pơ ‘ngoaih cham char vă tang găn pơrang j^, [et vaccine ăn drăkăn oei hơnăp păng hơ ioh ie\; khăm hơmet j^ ưh kơ hoach jên ăn bngai ‘lo\ xơnăm, kang [o# pơdơh hưu, bngai tơgu\m jơhngơ\m ăn cách mạng…Thượng úy Phạm Thanh Lịch, Pho\ kdră Đại đội 24, trung đoàn 24, sư đoàn 10 ăn tơbăt:“Nhôn hơnơ\ng hơlen, đơ\ng kơchăng tơjră hăm tơdrong pơm kne# truh tơdrong jang tơ\ hnam pơgang, vei xđơ\ng ăn tơdrong khăm hơmet j^ hơnơ\ng tơ\ âu. Mă kăl noh ăh dôm hnam pơgang pơkăl hơto\k khăm hơmet j^ dăh mă [et pơgang tang găn pơrang dăh mă khăm hơlen jơhngơ\m jăn kiơ\ xkơ\t ăn kon pơlei”

            Xơnăm âu ki, hnam pơgang linh - kon pơlei Tân Cảnh, apu\ng Đak Tô hlôi khăm păng hơmet j^ ăn hloh 6.000 ‘nu bngai j^ tơ\ tơring, tơle\ch [et pơgang tang găn pơrang pơih xă ăn kơ hre\ng ‘nu hơ ioh; tơle\ch hơvơn pơtho găh tang găn j^ nhen pơlo\ pơgru\n, j^ lao, vei lăng bngai j^ kren xa. Thượng tá Nguyễn Xuân Lai, Kdră anih linh Trung đoàn 24, Sư đoàn 10, Quân đoàn 3 ăn tơbăt: “Đon kơche\ng đơ\ng nhôn noh, do\ng bngai păng hơmet j^ ăn kon pơlei, yuơ noh nhôn pơtruh bngai jang tơnăp, gơh rơgei vă vang khăm hơmet j^ ăn kon pơlei atu\m hăm khul linh thây pơgang ưh kơ đei lơ. Cho\ng mă jang kiơ\ tơle\ch đei ako\m xkơ\t, nhôn duh oei pơtruh khul jang hơnơ\ng. Kiơ\ đơ\ng noh, minh păh vei xđơ\ng jơhngơ\m jăn, đon lui hăm khul linh, mă 2 noh pơjing um ru\p [ô đo#i [ok Hồ lơ\m đon bơnôh kon pơlei.