VOV4.Bahnar - Tơ\ xăh sơ lam Mang Mrai, apu\ng Sa Thầy, dêh char Kon Tum đei m^nh hnam trưng đei anăn Đại tướng Võ Nguyên Giáp, yoa Binh đoàn 15 (An^h tơm vei lăng khul linh te\h đak) man ăn. Ku\m hăm hnam trưng âu, Binh đoàn 15 oei tơ le\ch jên man kơ hre\ng to\ hnam trưng nai tơ ter tơ ring sơ lam găh Tu Tây Nguyên, pơ jing tơ drong ‘lơ\ng ăn kon hơ ‘lơ\p bơ ngai kon kông gơ\h truh ho\k chư.

Tơ\ bo\k bo\k bri ‘long kơ tơ ring sơ lam Mang Mrai, hnam trưng đei anăn Đại tướng Võ Nguyên Giáp nhen thoi m^nh tơ drong tôch hơ iă: m^nh hnam trưng kơ jăp ‘lơ\ng, pha hăm tơ drong mơ mat tat tơ\ tơ ring te\h âu. Jơ pơ dơ\h ngôi, kơ hre\nh ‘nu ho\k tro le\ch ngôi tơ\ cham, pơ đeng ngôi pơ chơt pơm tơ hiong tơ drong pơ se\l tơ\ tơ ring te\h tơ tă bri ‘long păng kông ngăl âu.

O|h Tống Khánh Linh, bơ ngai Mường, ho\k tro lăm 9, ho\k tro rơ gei, lơ sơ năm đei sa pri, pơ ma: “Đei ho\k tơ\ hnam trưng đei anăn Đại tướng Võ Nguyên Giáp ‘no\h j^ tơ drong hơ iă hlo\h hăm o\h. O|h adrin ho\k mă rơ gei vă ning mônh kơnh gơ\h tơ gop jơ hngâm kơ dih, jang kiơ\ jơ hngâm đon ‘lơ\ng đơ\ng Đại tướng vă tơ iung pơ jing te\h đak.”

Hnam trưng jăl 1 păng jăl 2 Võ Nguyên Giáp đei vă je# 350 ‘nu ho\k tro kon hơ ‘lơ\p bơ ngai kon kông, ko\ng nhân cao su Khul linh jang muk drăm 78, Binh đoàn 15. ‘Nâu j^ hnam trưng ăn ho\k tro oei tơ\ hnam ho\k hloi.

Thây Nguyễn Trung Hưng, Pho\ hie#u trơng tơ\ hnam trưng âu ăn tơ băt, adrol sơ\, tơ drong pơ tho păng ho\k tơ\ tơ ring âu tơ [âp lơ mơ mat tat. Ho\k tro năm ho\k tôch hơ tăih, oei thây kô năm krao ‘no\h tôch mơ mat, hơ nat vă gơ\h vei tôm kơ so# ho\k tro năm ho\k. Mưh đei hnam trưng ho\k oei kơ tă yoa Binh đoàn 15 tơ gu\m jên man sư tơ gu\m ăn tơ drong pơ tho păng ho\k hiôk hian [iơ\. Tơ drong vang jang đơ\ng đe linh hlôi tơ gu\m ăn thây kô tơ\ Mang Mrai đei dơ\ng đon adrin hơ met pơ ‘lơ\ng hơ mat tat, jang đang ‘lơ\ng tơ drong pơ tho chư tơ\ tơ ring groi kông.

Thây Nguyễn Trung Hưng pơ ma: “Tôch hơ iă mưh hnam trưng đei io\k anăn Đại tướng Võ Nguyên Giáp, ‘nâu j^ tơ drong tôch hưch hanh hăm đ^ đăng thây kô păng ho\k tro tơ\ hnam trưng. Io\k yoa dôm tơ drong ‘lơ\ng ‘no\h, hnam trưng dar de\h hơ met pơ ‘lơ\ng dôm tơ drong mơ mat tat, pơm hơ to\k tơ drong ‘lơ\ng mưh pơ tho ho\k pơ hrăm. Mă mơ mat tat truh dang yơ oei athei pơ jei băl pơ tho, ho\k mă rơ gei ‘mơ\i.”

Xăh Mang Mrai hơ tăih kơ dêh char Kon Tum dang 80km găh Pơ mât Pơ băh. Mă lei vă năm truh tơ\ âu, athei kơ te\ch 1 puăt năr yak trong kông krang, tơ mo păng dôm j^t to\ thong đak ‘mơ\i. Trong kơ ne# j^ tơ drong mơ mat tat hlo\h vă jang ato\k tơ iung tơ\ tơ ring sơ lam Mang Mrai, lơ\m no\h đei hloi pơ tho pơ hrăm. Băt hơ dăh tơ drong ‘nâu, 2 sơ năm adrol ki, Khul linh jang mu\k drăm 78, Binh đoàn 15 chă pơ ma nuh hăm khul kơ dră tơ ring păng an^h vei lăng pơ tho pơ hrăm, man hnam trưng jăl 1 păng jăl 2 đei anăn Đại tướng Võ Nguyên Giáp.

Đại tá Nguyễn Thăng Thanh, Bí thư Đảng Khul linh jang mu\k drăm 78 ăn tơ băt, tơ drong man hnam trưng hlôi tơ gu\m ăn ko\ng nhân ưh pă đei gơih kon vih tơ\ pơ lei nhen sơ\ bơih. Ku\m gơ nơm đơ\ng no\h, tơ drong jang mu\k drăm-vei lăng te\h đak đơ\ng khul linh hơ nơ\ng đei jang đang ‘lơ\ng. Dôm sơ năm âu ki, Khul linh jang mu\k drăm 78 hơ nơ\ng dơ\ng hơ drol lơ\m Binh đoàn 15 găh tơ drong choh jang, tơ mam drăm pơ gar ‘long.

Đại tá Nguyễn Thăng Thanh, pơ ma: “Mưh đei hnam trưng je# tơ ring kon pơ lei oei bơih ‘no\h đe mon đei chông ba tơ\ âu vă ho\k pơ hrăm lơ\m hnam trưng đei anăn Đại tướng. Đơ\ng no\h, pơ jing đei jơ hngâm đon sơ đơ\ng, jang tơ năp đơ\ng đe ko\ng nhân tơ\ tơ ring sơ lam oei tôch mơ mat tat âu. Ko\ng nhân jang pơ nam [iơ\, vang pơ jing tơ ring oei xa sơ đơ\ng ‘lơ\ng, đơ\ng no\h vang pơ jing công ty roi đunh roi pran kơ jăp.”

Ku\m hăm hnam trưng đei anăn Đại tướng Võ Nguyên Giáp tơ\ xăh sơ lam Mang Mrai, tơ ter tơ ring sơ lam 2 dêh char Gia Lai păng Kon Tum, oei đei kơ hre\ng to\ hnam ho\k mâu yăo, hnam vei rong hơ io\h; dôm j^t to\ hnam trưng jăl 1, jăl 2 păng jăl 3 đei Binh đoàn 15 man vă pơ yoa ăn tơ drong pơ tho ho\k pơ hrăm.

Pơ ma găh tơ drong tơ mât jên jang ăn pơ tho pơ hrăm, Thiếu tướng Đặng Anh Dũng, Yo\ng che\p kơ\l Binh đoàn 15, ăn tơ băt: “Đe tơ nuh bơih đe truh hăm bơ\n, truh tơ\ âu vă klăih đơ\ng tơ nuh, bơ\n hmơ\n le# kơ kon đe ưh kơ băt chư mơ\n. Athei đei hnam trưng, athei pơ tho ăn. Nhen bơ\n hnam trưng jăl 1 ho\k oei kơ tă tơ\ lăm, klep truh đe mon ‘lo\ ‘no\h athei đei hnam trưng trung ho\k dơ\ng, bơ\n athei man mă ‘lơ\ng. Gô jên te\h đak, jên dêh char tơ jur ‘no\h tôch mơ mat. Lăp kăl pơ jing đei hnam trưng, vei lăng ‘lơ\ng tơ drong pơ tho ho\k ‘no\h đe thây kô truh pơ tho ngơ ngei. Dăh mă tơ drong, đe kon mon bơ ngai kon kông ‘me\h năm ho\k, đei so\ng xa, oei xa rơ go\h, đei đe kô vei rong, đei tơ mam pơm ngôi... Năm ba tơ\ an^h vei rong đe hơ io\h nhôn, đe mon đei ho\k nơ\r yoăn, truh năm ho\k lăm 1 kơnh, đe mon ho\k [ônh gơ\h [iơ\. Đe oei tơ\ yơ, tih vơ\ tơ\ noh, băt hơ dăh tơ drong juăt tơ\ no\h kơ na mă năm tơ\ yơ ku\m vih dơ\ng tơ\ âu vă tơ iung pơ jing pơ lei, [ât lăp đei bơ ngai đei hloi pơ sat me\ [ă, yă [ok tơ\ âu. Dôm bơ ngai ‘no\h jing dôm bơ ngai vei kơ jăp tơ ring sơ lam. Bơ\n pơm thoi âu ‘no\h tôch tro\ hăm đon tơ che\ng đơ\ng Đảng, Te\h đak ‘no\h le# kon pơ lei vei lăng tơ ring sơ lam.”

Tơ ter tơ ring sơ lam găh Tu Tây Nguyên, tơ drong pơ tăm ‘long păng pơ tho chư dôm j^t sơ năm âu ki đơ\ng đe linh Binh đoàn 15 vang tơ gop pơ jing đei pơ gar ‘long cao su jing ‘lơ\ng, glơch glach, lơ pơ lei pơ dro\ng đei [ôh păng dôm jơ hnơr đơ\ng ro\ng kơnh [e\nh jơ hngâm đon hơ me\ng, gơ\h hơ gei. M^nh tơ ring bri ‘long jơk [lik, m^nh tơ drong erih roi hơ nu\k hlôi đei pơ jing tơ\ âu vă vei kơ jăp tơ ring sơ lam kơ Te\h đak.

Công Bắc: Chih

Dơ\ng: Tơ blơ\