VOV4.Bahnar - Sơnăm 2021, Hnam trường Đăi hŏk hŏk Tây Nguyên gô vă krao tơmơ̆t 3.340 ‘nu hŏk đăi hŏk chĭnh kuy, hăm 35 tơdrong jang lơ̆m 8 khoa pơtho pơhrrăm, jing hnam trương đei krao hơvơn hŏk tro mơ̆t hŏk lơ hlŏh lơ̆m tơring. Lơ̆m au, krao mơ̆t hŏk lơ lơ̆m tơdrong jang: Y Khoa, Nơ̆r tĕh đak Anh, Jang pơgang vei lăng kon tơrong, Mŭk drăm, Vei lăng mơdro sa, Jang jên hu, Pơtho pơhrăm jơhngơ̆m jăn. Trong krao mơ̆t hŏk sơnăm 2021 đei hơlen kiơ̆ 4 trong ‘nŏh: Hơlen điêm lĕch ‘măng khoă jăl pêng sơnăm 2021; hơlen kiơ̆ pơlong lăng sơnăm 2021 kơ Đăi hŏk pơlei tơm Hồ  Chí Minh; xek hơlen điêm hŏk ƀă; xak krao tơmơ̆t hloi kiơ̆ Tơdrong pơkăp krao tơmơ̆t hŏk sơnăm 2021. Phó Giáo sư - Tiến sĩ Võ Phương Đại Nguyên, Kơdră chĕp pơgơ̆r Hơnĭh vei lăng pơtho pơhrăm Đăi hŏk kơ hnam trương Đăi hŏk Tây Nguyên tơbăt: tơdrong jang pơtho pơhrăm sơnăm 2021 kơ hnam trương gô sơđơ̆ng vă sinh viên đei dôm trong hlŏh vao hle, tơgăl hăm rim hơnĭh vă krao mơ̆t jang lăp đơ̆ng rŏng lĕch ‘măng khoă hŏk.

Tơblơ̆ nơ̆r: Amazưt