VOV4.Bahnar - Tơ băt 110 sơ năm Năr ƀok Hồ lĕch năm tơ chă trong dŏng teh đak (05/06) păng 80 sơ năm Năr Ƀok brŏk tơ̆ teh đak kơ tă chĕp kơ̆l pơ gơ̆r kach mạng Việt Nam (28/01), pơ gê ‘năr (26/5) tơ̆ Hà Nội, Học viện chính trị Quốc gia Hồ Chí Minh jang hơ dai hăm Anih tơ roi tơ băt Trung ương, Anih jang Đảng pơ lei tơm Hồ Chí Minh păng Anih jang Đảng dêh char Cao Bằng pơ gơ̆r hop akŏm khoa hŏk kơ teh đak hăm hơ năn “Hồ Chí Minh hăm tơ drong jang pơm kiơ̆ ‘lơ̆ng hơ pơi ‘meh rơ ngei hiôk hian hơ drĕch hơ drŭng păng chủ nghĩa xã hội”. 

Pơ ma tơ̆ hop akŏm, ƀok Nguyễn Xuân Thắng- Kơ dră vei lăng Học viện Chính trị Quốc gia Hồ Chí Minh, Kơ dră Jơ nŭm Lý luận Trung ương pơ ma hơ dăh, hơ pơi ‘meh rơ ngei – hiôk hian – hơ nŭk hơ noa, jang đei kach mạng mă Kơ dră Hồ Chí Minh hlôi pơ cheh, đon tơ chĕng gĭt kăl mă ƀok pơ sư̆ ăn hơ nơ̆ng hơ nhăk kơ jă kăp gĭt chông trong ăn dôm jơ nei đơ̆ng kach mạng Việt Nam, lơ̆m noh đei dôm jơ nei tih tên, đei tơ drong ‘lơ̆ng gĭt kăl đơ̆ng 35 sơ năm tơ plih ‘nao, tơ drong mă lơ ‘măng Tổng Bí thư Nguyễn Phú Trọng hlôi pơ ma hơ dăh, teh đak bơ̆n tam mă lai yơ đei đăi tơ drong hơ iă, tơ mam, anih dơ̆ng păng bưng ai apŭng plĕnh nhen hrei ‘nâu.

Thuem: Tơ blơ̆