VOV4.Bahnar - Hơ mĕng "hộ chiếu vácxin" vă hơ met ăn sơng tơ moi apŭng plĕnh teh lơ̆m tơ drong hmă, Anih tơm vei lăng găh tơ plŏng kơ dâu – joh ayŏ păng tơ mang lăng tŏk bŏk athei Anih vei lăng găh tơ mang lăng bơ̆ jang hăm rim anih jang ƀơm truh, khŭl jang tơ mang lăng, anih jang mơ dro sa pơ jing tơ mam vă vei lăng tơ moi tơ mang lăng. Tơ chĕng hơ drol đơ̆ng dang ei truh hơ tuch khei 4, Anih tơm âu gô tơ roi tơ băt kơ Thủ tướng dôm tơ drong ƀơm truh. Kiơ̆ kơ anoh, Anih vei lăng găh tơ mang lăng Việt Nam tŏk bŏk tơ chĕng hơ len, hơ met ăn dar deh pơ long lăng rơ̆ih iŏk 1,2 tơ mam, anih tĕch mơ dro vă tơ mơ̆t yua hộ chiếu vaccine, pơm tơ drong hiôk sơng tơ moi hơ dai hăm vei sơ đơ̆ng tang găn jĭ hơ buh. Mă lei, athei pơ̆ih ‘măng sơng tơ moi tơ mang lăng apŭng plĕnh tĕh athei đei pơ jing kiơ̆ trong jang, đei khei ‘năr pơ long lăng păng vei sơ đơ̆ng jĭ hơ buh ling lang đei tơ gŭm hơ drol. Đơ̆ng khei 4/2020 truh dang ei, Việt Nam pơ dơh dôm trong păr mơ dro sa apŭng plĕnh teh, kơ na tơ moi apŭng plĕnh teh găh lơ ‘noh bơ ngai joăt jang, bơ ngai jang ki thuơ̆t hơ gei, bơ ngai tơ mơ̆t jên jang.... teh đak đe bơ̆ jang tơ̆ rim tơ drong jang tơ̆ Việt Nam.

Thuem: Tơ blơ̆