VOV4.Bahnar - Buôn Ma Thuột, hăm tơ drong ‘lơ\ng ‘no\h j^ an^h kơ drơ\m kơ Dak Lak ku\m nhen đ^ đăng lơ\m Tây Nguyên, đei 1 an^h dơ\ng găh khu\l linh păng mu\k drăm kơ pơ đ^ tơ ring Tây Nguyên. Đơ\ng sơ\ tru\h dang ei, [ơ\t tơ che\ng hơ len găh Việt Nam, đe đoa lăng găh Tây Nguyên ‘no\h j^ tơ ring tơ drong jang, đei kăp g^t t^h găh tơ drong khu\l linh, mu\k drăm, vei lăng sơ đơ\ng te\h đak. Păng tơ drong ‘nâu ku\m đei rim bơ ngai tơ che\ng hơ len chăl ar^h, ch^nh tr^ lơ\m apu\ng ple\nh te\h sơ kơ\t hơ dăh- bu tơ blăh io\k đei Tây Nguyên ‘no\h lăng nhen hlôi pơm tơ ‘ngla đei tơ ring Đông Dương.

Bơ ngai Mi lăp [ơ\t mơ\t tơ\ Việt Nam hlôi ako\m jơ hngơ\m pran khu\l linh tơ\ âu va\ pơm tơ ‘ngla tơ ring tơm păng đei trong jang âu. Hăm khu\l linh bơ\n, tơ blăh io\k păng rơ ngei Tây Nguyên ‘no\h j^ Tơ drong tơ blăh Tây Nguyên đei băt hơ dăh ‘no\h j^ 1 lơ\m dôm tơ drong tơ blăh g^t kăl. Păng tơ pă yan âu ‘no\h j^ Jơ nei Buôn Ma Thuột pơ jing hơ yak ‘lơ\ng t^h lơ\m đ^ đăng tơ drong tơ blăh pơ yan phang sơ năm 1975, tơ  blăh Hồ Chí Minh yak tru\h rơ ngei pơ đ^ tơ ring găh pơ băh rơ ngei te\h đak.  

Khu\l linh bơ\n vang tơ blăh Tây Nguyên ‘no\h j^ pơ đ^ 1 khu\l linh t^h tôch kơ hơ gei, ‘no\h đei 4 sư đoàn păng 4 trung đoàn linh tơ blăh tơ\ te\h, ku\m hăm lơ khu\l linh nai, đei klăih song tơ\ rim tơ ring lơ\m rim an^h tơ blăh. 12 trung đoàn linh tơ blăh tơ\ te\h păng khul linh kơ tă vang iung tơ blăh rơ ngei Buôn Ma Thuột.

Vă pơ jing tơ drong jang ‘lơ\ng, tơ klăh Tây Nguyên hăm te\h tơ hnă xă tơ ring to\k bo\k, tơ klăh tơ ring găh pơ băh- tu Tây Nguyên, pơ vang găn Buôn Ma Thuột, đơ\ng ‘năr 4 tru\h ‘năr 8 khei 3 sơ năm 1975, bơ\n hlôi kăt kơ te\ch trong  21 tơ\ găh hơ le\ch.

Kơ sơ\ ‘năr 9/3, An^h tơm che\p kơ\l khu\l linh tơ blăh hơ drin đ^ jơ hngơ\m tơ blăh tơ dru\t Buôn Ma Thuột. Yua đơ\ng hơ met ăn ‘lơ\ng, tơ che\ng hơ len hơ dăh, pơ gơ\r jang hơ doi ‘lơ\ng kơ na rim trong, rim an^h linh yak adoi yak năm [lep khei ‘năr.   

{lep 2 jơ 3 pơ n^t ‘năr 10/3/1975, vă khan ‘năr 29 khei 1 sơ năm Ất Mão, Trung đoàn 198 đặc công io\k sơ nong jang năm hơ drol mơ\t tơ blăh, pơ gơ\r răp tơ blăh lơ an^h tơm, nhen cham gre păr rơ ngei, an^h trung đoàn 53, an^h ‘măn răk Mai Hắc Đế. Lăp đơ\ng ro\ng kơ tơ\ng [rơ\m phao đo#h đơ\ng khu\l linh đặc công, 12 trung đoàn linh tơ blăh tơ\ te\h păng rim khu\l linh nai, đơ\ng 5 pang, vang prăh phao tơ blăh tơ dru\t aya\t.

Pơ đ^ thị xăh Buôn Ma Thuột tơ dro\. {ok Ama H’Oanh, sơ\ pơm Bí thư an^h jang Đảng thị xăh Buôn Ma Thuột, bơ ngai vei lăng khu\l bơ\ jang ch^nh tr^ de#h char Dak Lak, kiơ\ khu\l gre năm mơ\t lơ\m thị xăh, tơ che\ng tơ [lo\k dơ\ng: “Đo#h t^h bơ\ih văi. Đo#h pơ đ^ ple\nh bơ\ih, kơ na gre nar ôn oei tơ\ bri ku\m ư\h pă đei kơ\m kơ kiơ dơ\ng. Đe sư ‘no\h pơ đo#h kơ măy, to\k u\nh hơ dăh [rach, đang kơ ‘no\h chă trong kơ dâu năm mơ\t. Bơ\n ‘long hlôi đei ot le# 2/3, gre nar lăp tơ\m 1 ‘măng ‘no\h păk păng kơ dâu đe\ch. Khu\l ch^nh tr^ kơ lu nhôn kơ plăh do\h ‘no\h j^ 106 ‘nu, dơ\ng tơ ter lơ\m 2 gre cam-nhông, kơ dâu kiơ\ đơ\ng ro\ng. Mơ\t tru\h tơ ring găh pơ băh Buôn Ma Thuột ‘no\h ‘năr hơ dăh bơ\ih. {o#h tơ\ kơ pal ple\nh ‘no\h gre păr khu\l aya\t tru\h, mă lei sư ư\h kơ bơ\n jur tơ je# yua kơ [rơ\m phao bơ\n prăh. ‘No\h ku\m jing ‘măng mă blu\ng ^nh đei [o#h khu\l linh gre păr bơ\n tơ blăh aya\t.”

7 jơ 15 pơ n^t ‘năr 10/3, dôm an^h tơ blăh đơ\ng bơ\n kiơ\ 1 nơ\r athei pơ jei băl prăh phao lơ\m Sư đoàn bộ Sư đoàn 23, an^h che\p kơl pơ gơ\r khu\l linh Dak Lak păng an^h gre nar dơ\ng.

Tru\h 9 jơ pơ ge, bơ\n yua pơ đ^ linh tơ blăh tơ\ te\h hơ dai hăm gre nar pơ gơ\r 1 ‘măng mơ\t tơ blăh lơ\m an^h che\p kơ\l pơ gơ\r khu\l linh, an^h tơm che\p kơ\l rim khu\l linh vei lăng sơ đơ\ng, kon pơ lei vei lăng lơ\m de#h char. 3 jơ kơ sơ\ ‘năr 10/3, bơ\n pơm tơ ‘ngla pơ đ^ an^h Dak Lak. {ok Lê Chí Quyết, sơ\ pơm Pho\ Bí thư an^h jang đảng de#h char, Phó an^h linh vei lăng de#h char Dak Lak, tơ roi găh jơ hngơ\m đon đơ\ng kơ d^h [ơ\t đei măt tơ\ Buôn Ma Thuột ‘năr 10/3/1975: “ ‘Năr 10, gre nar bơ\n năm mơ\t lơ\m trong tơ klăh 6, khu\l linh bơ\n [o#h ‘no\h ku\m măh hơ mrêng. ‘Nho\ng o\h lơ\m tơ ring nhôn tôch kơ bơ ngơ\t, [ơ\t do\h mă [a\t ‘no\h j^ gre nar tơ\ tơ ring găh tu băh năm mơ\t. ‘No\h nhôn đei ei đon lui thoi no\h ‘no\h j^ jơ nei tơ pă bơ\ih. Yua kơ gre đ^ năm tru\h tơ\ trong tơ klăh 6 bơ\ih, to\k bo\k pơ vang sư đoàn 23, oei nhen cham gre păr L19 ‘no\h bơ\n tơ gar io\k bơ\ih”.

5 jơ kơ sơ\ ‘năr 10/3, bơ\n hlôi pơm tơ ‘ngla rim an^h tơm lơ\m thị xăh Buôn Ma Thuột. Đơ\ng ro\ng 32 jơ iung tơ blăh nu\ih mơng, khu\l linh bơ\n hlôi prăh pơ lôch păng rôp ar^h pơ đ^ khu\l linh aya\t, rơ ngei đ^ đăng thị xăh Buôn Ma Thuột. Hla kơ kach mang păr tơ\ lơ an^h lơ\m thị xăh Buôn Ma Thuột, kon pơ lei chhôk hal kơ ku\h sơng jơ nei.  

Tơ drong chơt hơ iă, tơ drong lui nge\h jơ nei to\k [e\nh lơ\m jơ hngơ\m bơ ngai. {ok Lê Chí Quyết, sơ\ pơm Pho\ kơ dră an^h jang linh vei lăng Dak Lak, tơ roi : “‘Nho\ng Bùi San păng ‘nho\ng Huỳnh Văn Cần, Bí thư an^h jang đảng de#h char athei an^h jang linh vei lăng ‘no\h ăn kon pơ lei v^h mơ\t oei đ^. An^h jang linh vei lăng athei phă đ^ rim an^h ‘măn răk phe [a, asong ăn kơ kon pơ lei. Ơu [ơ\t do\h, đei athei v^h hơ lơ\k ‘no\h kon pơ lei chhôk hơ ia\ de#h, lui nge\h de#h. Lui ‘no\h j^ đei athei v^h oei dơ\ng ‘no\h j^ kơ pal đ^ kơ jăp bơ\ih, gô vă tơ blăh ‘mong khu\l aya\t. Mư\h aya\t tơ jră plơ\ ‘no\h gô đei prăh pơ lôch”.

Bơngai tơblơ\ nơ\r: Thuem