VOV4.Bahnar - Sơ năm hŏk ‘nao 2021-2022 đĭ vă jê̆ truh. Mă lei, pơ têng hăm kơ sô̆ hơ găt thây kô pơ tho lơ̆m 1 lăm, ‘noh anih jang pơ tho pơ hrăm dêh char Gia Lai oei tŏk bŏk ưh kơ măh 3.721 ‘nu thây kô pơ tho rim jăl hŏk. Mă hơ dăh ‘noh, kiơ̆ chih jô̆ đơ̆ng Anih vei lăng găh pơ tho pơ hrăm dêh char Gia Lai, pơ têng hăm kơ sô̆ hơ găt, sơ năm hŏk 2021 – 2022 âu, tơ ring tŏk bŏk ưh kơ măh 1.637 kô pơ tho jăl mầm non; 986 thây kô pơ tho tơ̆ jăl 1, 726 thây kô pơ tho jăl 2 păng 372 thây kô pơ tho bộ môn tơ̆ jăl 3.

Ưh kơ măh thây kô pơ tho pơm mơ mat tat lơ ăn anih jang pơ tho pơ hrăm Gia Lai, mă loi ‘noh jĭ tơ drong jang pơ tho pơ hrăm tơ̆ tơ ring kon kông

Mă loi ‘noh jĭ, đơ̆ng sơ năm hŏk 2021 – 2022, jang kiơ̆ tơ drong jang pơ tho pơ hrăm ‘nao, jăl Mầm non păng jăl 1 athei hŏk 2 ‘măng lơ̆m 1 năr kơ na tơ drong tơ mơ̆t dơ̆ng thây kô pơ tho vă vei sơ đơ̆ng ‘lơ̆ng pơ tho pơ hrăm ‘noh jĭ tơ drong kăl hloh. Tơ̆ hơ năp tơ drong ‘nâu, Anih vei lăng kon pơ lei dêh char Gia Lai hlôi đei hla ar gơ̆ih kơ 1,2 anih tơm, anih jang ƀơm truh, athei ăn phep dêh char gơh rơ̆ih iŏk, kĭ hla ar hơp đŏng, vă hơ tŏk kơ sô̆ thây kô pơ tho dơ̆ng tơ̆ lăm, vei sơ đơ̆ng ‘lơ̆ng pơ tho păng hŏk; hơ dai hăm ‘noh pơ dơh ‘mơ̆i kơ tơ jur ƀiên chê̆ pơ tho pơ hrăm.

Thuem: Tơ blơ̆