VOV4.Bahnar - Pơ gê ‘năr (15/4), Khŭl bơ̆ jang kơ Anih vei lăng pôk rơ̆ih teh đak yua đơ̆ng Thượng tướng Võ Trọng Việt, Kơ dră vei lăng Anih jang vei lăng tơ drong sơ đơ̆ng, Phŏ kơ dră Tiểu ban vei lăng tơ drong sơ đơ̆ng păng jang pơ gang pơm kơ dră khŭl hlôi đei bơ̆ jang hăm Anih vei lăng pôk rơ̆ih dêh char Dak Lak găh vei lăng tơ drong sơ đơ̆ng păng jang pơ gang lơ̆m pôk rơ̆ih tơ̆ tơ ring.

Găh tơ drong jang vei lăng tơ drong sơ đơ̆ng tơ pôl păng jang pơ gang đei vei kơ jăp sơ đơ̆ng, tam mă đei chă ƀôh tơ drong krê hơ mơt tơ hli kơ tă truh tơ drong sơ đơ̆ng pôk rơ̆ih. Tơ̆ jơ bơ̆ jang, thượng tướng Võ Trọng Việt lăng ‘lơ̆ng tơ drong jang vei lăng tơ drong sơ đơ̆ng păng jang pơ gang ăn pôk rơ̆ih kơ dêh char Dak Lak, hơ dai hăm ‘noh tơ tă kơ dêh char kăl kơ bơ ngơ̆t hloh dơ̆ng truh hơ tŏk vei lăng kơ jăp tơ ring sơ lam veh ver kơ đei ƀôh tơ drong ư̆h kơ ê.

Thuem: Tơ blơ̆