VOV4.Bahnar - Kơ sơ̆ ‘năr 1/8, Bí thư anih jang Đảng pơ lei tơm Hồ Chí Minh Nguyễn Văn Nên păng Kơ dră Anih tơm vei lăng găh jang pơ gang Nguyễn Thanh Long hlôi hơ len lăng tơ drong pơ jing rim Hơ nih hơ met bơ ngai jĭ ăl Covid-19. Anih tơm vei lăng găh jang pơ gang athei jăh tơ tĕnh sơng iŏk bơ ngai jĭ Covid-19 tơ̆ 4 hơ nih hơ met jĭ ăl âu; pơ jao kơ Hnam pơ gang Đại học Y dược pơ lei tơm Hồ Chí Minh iŏk jang tơ drong jang tơ̆ âu. Hơ nih hơ met ăn bơ ngai jĭ Covid-19 gô đei iŏk yua đơ̆ng dôm tơ mam đei đơ̆ng hơ drol kơ hnam pơ gang nhen kơ măy dui jơ hngơ̆m, giơng bơ ngai jĭ. Ƀơ̆t măt gô đei 70 tŏ giơng, tơ chĕng hơ drol gô hơ tŏk 500 tŏ giơng.

Kơ dră chĕp kơ̆l pơ lei tơm Hồ Chí Minh păng Anih tơm vei lăng găh jang pơ gang hơ len lăng dôm hơ nih pơ jing Hơ nih hơ met bơ ngai jĭ ăl

Pơ tơm blŭng đơ̆ng ‘năr 2/8, hnam pơ gang  gô pơ tơm sơng bơ ngai jĭ Covid-19. Khŭl bơ̆ jang kŭm hlôi năm hơ len lăng Khoa hơ met bơ ngai jĭ ăl 500 tŏ giơng tơ̆ Hnam pơ gang pơm pơ gia kơ sô̆ 16 (Quận 7, pơ lei tơm Hồ Chí Minh) hơ nih hnam pơ gang Bạch Mai tŏk bŏk đei pơ jao iŏk jang vei lăng. Bí thư Đảng pơ lei tơm Hồ Chí Minh Nguyễn Văn Nên tơ tă ăn kăl kơ tơ jur hloi hla ar hanh chinh 1 trong ‘lơ̆ng hloh, tơ mơ̆t dơ̆ng hrĕnh hloh dôm tơ drong kiơ oei ư̆h kơ măh vă rim anih jang sơng iŏk hloi bơ ngai jĭ ăl mơ̆t hơ met.

Thuem: Tơ blơ̆