VOV4.Bahnar - Tơ̆ Hà Nội, Anih Trung ương MTTQ Việt Nam, Tơ ring pơ jei 5 pơ lei tơm (plt) găh trung ương pơ gơ̆r Hop akŏm pơ tôch tơ drong jang tơ̆ Tơ ring pơ jei băl lơ̆m sơ năm 2021. Pơ ma lơ̆m hop akŏm, Bí thư Trung ương Đảng, Kơ dră Anih Trung ương MTTQ Việt Nam Đỗ Văn Chiến athei Mặt trận Tổ quốc jơ̆p tơ ring hơ met mă ‘lơ̆ng vă dôm bơ ngai pŭ răm đơ̆ng jĭ Covid-19 sơng Tết Nhâm Dần tơ pă jing “Tết jơ hngâm ‘mêm mơ nat”.

Ƀok Đỗ Văn Chiến athei tơ ring pơ jei 5 plt găh Trung ương jăh tơ lĕch trong pơ gơ̆r Tết Nhâm Dần sơ năm 2022 hue lăng truh tơ̆ unh hnam đei kŏng, ling jĭ rơ ka, jĭ jăn, unh hnam linh lôch dŏng tĕh đak, mă loi jĭ bơ ngai pŭ răm đơ̆ng jĭ Covid-19. Ƀok Đỗ Văn Chiến oei athei hơ nơ̆ng tơ plih ‘nao găh tơ drong jang, trong pơ gơ̆r păng dăr lăng, tơ blang tơ ƀôh ăn tơ pôl; tơ rĕk truh trong dăr lăng, răp mơ̆ng nơ̆r pơ ma đơ̆ng kon pơ lei hăm dôm tơ drong tih, pơm tơ tŏ đon, ƀơm truh tơ drong đei yoa trŏ luơ̆t, tôch tơ găl đơ̆ng kon pơ lei.

Dơ̆ng: Tơ blơ̆