VOV4.Bahnar - Phŏ kơ dră Anih tơm vei lăng găh kơ măy kơ mŏk mơ dro sa Đặng Hoàng An hlôi đei ‘măng pơ ma đam hăm phŏ Kơ dră tơm vei lăng găh kơ măy kơ mŏk mơ dro sa Séc Martina Tauberova găh tơ drong hơ tŏk loi dơ̆ng jang hơ dai mŭk drăm, mơ dro sa păng kơ măy kơ mŏk đơ̆ng Việt Nam păng CH Séc păng pơ ma dơ nuh 1,2 tơ drong, trong tơ lĕch jang hơ met ăn ‘măng năm tơ mang đơ̆ng thủ tướng Séc Andrej Babis truh tơ̆ Việt Nam. Tơ̆ ‘măng pơ ma đam Phŏ kơ dră Anih tơm vei lăng găh kơ măy kơ mŏk mơ dro sa Đặng Hoàng An vang tơ roi lơ̆m hloh 1 sơ năm âu ki, hăm tơ drong hơ drin đơ̆ng Đảng, teh đak păng khŭl kơ dră teh đak păng tơ drong drơ̆ng lăp đơ̆ng kon pơ lei, Việt Nam hlôi jang kiơ̆ jơ nei 2 tơ drong jang ‘noh jĭ tang găn jĭ jơ nei hai tơ iung ming mŭk drăm – tơ pôl hai. Phŏ kơ dră tơm ‘mĕh vă pơ trŭt jang hơ dai mŭk drăm mơ dro sa păng tơ mơ̆t jên jang đơ̆ng 2 teh đak. Phŏ kơ dră tơm athei Anih tơm vei lăng găh kơ măy kơ mŏk mơ dro sa 2 teh đak hơ nơ̆ng jang hơ dai kơ jăp, hơ met mă ‘lơ̆ng ăn ‘măng năm tơ mang đơ̆ng Thủ tướng Séc Babis truh tơ̆ Việt Nam. Ƀok lui ngeh ‘măng năm tơ mang âu gô hơ nhăk tơ drong pơ vei jang hơ dai tơ bôl joăt joe đơ̆ng 2 teh đak tŏk ‘lơ̆ng ‘nao.

Thuem: Tơ blơ̆