VOV4.Bahnar - Kơ sơ̆ ‘năr 26/7, tơ̆ Hà Nội, Trung tướng Lương Tam Quang, Phŏ kơ dră Anih tơm vei lăng Kŏng an sơng ƀok Christopher Klein, tang măt teh đak Mi tơ̆ Việt Nam. Tơ̆ jơ sơng, Phŏ kơ dră tơm Lương Tam Quang bơ nê kơ ƀok Christopher Klein păng Anih jang tang măt Mi tơ̆ Việt Nam lơ̆m khei ‘năr âu ki hlôi đei lơ tơ gop hơ dăh ‘lơ̆ng, pơ trŭt tơ drong pơ vei jang hơ dai tôm tơ drong Việt Nam  - Mi, kŭm nhen tơ drong pơ vei jang hơ dai đơ̆ng Anih tơm vei lăng kŏng ăn Việt Nam păng rim anih jang hơ dai Mi hơ tŏk tơ iung ‘lơ̆ng hơ iă, đei yua, hơ dăh ‘lơ̆ng. Tơ ƀôh đon lui jang hơ dai đơ̆ng 2 teh đak, lơ̆m noh đei jang hơ dai joăt jang đơ̆ng anih jang vei lăng sơ đơ̆ng, kanh sat 2 teh đak gô roi ‘năr roi kơ jăp; sơ kơ̆t hơ dăh, Anih tơm vei lăng kŏng an Việt Nam ling lang pơ ma dơ nuh, jang hơ dai kơ jăp hăm Anih jang tang măt Mi tơ̆ Việt Nam pơ yua ăn tơ drong đei yua atŭm kơ 2 teh đak, tơ gop hơ met ‘lơ̆ng, tang găn dôm tơ drong pha ra lơ̆m tơ drong pơ vei 2 pang, hơ met ming đon lui bơ̆ jang, hơ nhăk tơ drong pơ vei 2 pang âu roi ‘năr roi ‘lơ̆ng hơ iă.

Thuem: Tơ blơ̆