VOV4.Bahnar - Hrei ‘nâu, tŏ hang kơ tang đei ƀôh jơ̆p jang, mă loi ‘noh jĭ tơ ring tŏk bŏk, hơ mơt kơ ŭnh sa bri tôch kơ tang tơ̆ lơ tơ ring, lơ tơ ƀôt bri tŏk bŏk krê hơ mơt kơ tang ŭnh sa bri kơ sô̆ 4, kơ sô̆ 5 ( kơ sô̆ krê hơ mơt dêh hloh). Vă kơ chăng tang găn ŭnh sa, pĭt ŭnh sa bri, Kơ dră Anih tơm vei lăng găh choh jang sa păng hơ tŏk tơ iung tơ ring tơ rang Lê Minh Hoan đei hla ar kơ sô̆ gơ̆ih kơ khŭl kơ dră rim tơ ring athei pơ gơ̆r tơ lĕch jang 1,2 tơ drong jang kăl găh hơ tŏk loi dơ̆ng rim trong jang kăl tang găn ŭnh sa, pĭt ŭnh sa bri. Mă hơ dăh ‘noh athei Anih vei lăng kon pơ lei rim tơ ring păng rim anih jang kơ pal bơ̆ jang kiơ̆ hơ năp jang vei lăng găh tơ drong jang tang găn ŭnh sa, pĭt ŭnh sa bri, hơ tŏk loi dơ̆ng tơ drong jang hơ len lăng, dăr lăng găh tang găn ŭnh sa, pĭt ŭnh sa bri, lăng ‘nâu jĭ hơ năp jang tơm; hơ len lăng khŭl jang, gre, tơ mam, jên vă bơ̆ jang kiơ̆ ‘lơ̆ng trong jang “ puăn kơ tă anih”; klăih song khŭl jang prăt năr prăt măng lơ̆m prăt pơ yan tŏ; tơ tom chă ƀôh ŭnh sa, hơ vơn rim khŭl jang vang tang găn păng pĭt ŭnh sa bri lơ̆m jơ năr kơ đĕh hloh, ư̆h kơ lê̆ đei ƀôh ŭnh sa tih.

Thuem: Tơ blơ̆