VOV4.Bahnar - Tơ\ hnam Kuôk ho#i, kơ dră Kuôk ho#i Nguyễn Thị Kim Ngân hlôi sơng kơ dră Nghị viện Bang Hessen, Cộng hòa Liên bang Đức Boris Rhein. Kơ dră kuôk ho#i Nguyễn Thị Kim Ngân tơ roi hơ dăh, tơ drong pơ vei jang hơ dai đơ\ng Việt Nam păng Đức to\k bo\k roi ‘năr roi hơ to\k tơ iung ‘lơ\ng lơ\m rim tơ drong jang.

Kơ dră kuôk ho#i sơng kơ dră Nghị viện Bang Hessen, Cộng hòa LB Đức

Kơ dră Kuôk ho#i akhan, 2 păh oei đei lơ tơ mam, đei yua vă hơ nơ\ng hơ to\k tơ iung pơ vei jang hơ dai io\k yua hlo\h dơ\ng. Việt Nam ling lang sơng io\k rim an^h jang mơ dro sa Hessen năm tơ mơ\t jên jang lơ\m dôm tơ drong jang mă Việt Nam to\k bo\k đei ‘me\h vă păng Bang Hessen đei tơ drong pran nhen hóa chất, tơ mam pơ gang, kơ măy kơ mo\k tơ gu\m, pơm tơ le\ch tơ mam drăm đơ\ng cho\h jang sa…

Pơ ma hơ dăh tơ drong Kuôk ho#i Việt Nam hlôi tơ le\ch tơ drong jang khôi luơ\t pơm tơ drong hiôk ăn kơ rim bơ ngai tơ mơ\t jên jang te\h đak đe, lơ\m no\h đei rim an^h jang mơ dro sa Đức, kơ dră Kuôk ho#i athei kơ dră Nghị viện bang Hessen păng khu\l kơ dră pơm tơ drong hiôk ‘lơ\ng ăn rim an^h jang mơ dro sa Việt Nam to\k bo\k bơ\ jang tơ\ bang.

Thuem: Tơ blơ\