VOV4.Bahnar – Năr 27/9, rim hnam trưng tơ̆ dêh char Đăk Nông hlôi xơng hŏk tro vih hŏk tơ̆ hnam trưng đơ̆ng rŏng khei năr pơm kiơ̆ pơkăp oei tơklăh lơ̆m tơpôl vă tang găn păng tơjră pơrang jĭ Covid-19. Kiơ̆ kơ noh, anih pơtho pơhrăm dêh char Đăk Nông drơ̆ng nơ̆r axong ăn dôm hnam trưng tơ̆ 4 apŭng: Đăk G’Long, Đăk Song, Tuy Đức, Krông Nô păng plei tơm Gia Nghĩa xơng hŏk tro năm hŏk.

          Ƀơ̆t năm truh hnam trưng, đe oh athei pơkă hơyuh tô̆ hơkâu jăn, ôp ti hăm đak pơgang. Dôm hnam trưng ưh đei pơgơ̆r chao kơ ăh blŭng giĕng mă pơtăl kơ noh bơngai pơtho athei pơtho hŏk tro băt găh tơdrong tang găn păng tơjră pơrang jĭ, tơdrong pơkăp kơ hnam trưng. Lơ̆m jơ hŏk tơ̆ hnam trưng, pơđĭ hŏk tro păng bơngai pơtho athei chô̆ che gom ƀŏ. Tơ̆ apŭng Cư Jút, đơ̆ng rŏng kơ ƀôh băt đei bơngai ƀơm jĭ SARS-CoV-2 tơ̆ xăh Nam Dong ăh năr 26/9, anih pơtho pơhrăm hlôi pơdơh tơdrong ăn hŏk tro năm hŏk tơ̆ hnam trưng.

Lan chih păng pơre