VOV4.Bahnar - Lơ̆m 2 năr ‘năr 30 păng 31/8, hŏk tro grŭp lăm 1 tơ̆ dêh char Dak Nông hlôi pơ tơm năm tơ̆ hnam trưng sơ năm hŏk ‘nao 2021-2022 kiơ̆ trong ngôi hơ tăih băl vă vei sơ đơ̆ng tang găn jĭ Covid-19. Hŏk tro đei sơng đơ̆ng ‘măng jang hnam trưng, ôp ti păng hơ len lăng yuh hơ kâu hơ drol kơ mơ̆t tơ̆ lăm. Đĭ đăng mĕ bă, hŏk tro, kang ƀô̆, thây kô pơ tho adoi pơm kiơ̆ tơ păt 5K. Sơ năm hŏk 2021 - 2022, lơ̆m dêh char Dak Nông đei hloh 182 rơ bâu ‘nu hŏk tro rim jăl.

Lơ̆m noh đei 38 rơ bâu ‘nu hŏk tro jăl mầm non, hloh 72 rơ bâu ‘nu hŏk tro jăl 1, 48 rơ bâu ‘nu hŏk tro jăl 2, vă jê̆ 23 rơ bâu ‘nu hŏk tro jăl 3 păng dang 1 rơ bâu ‘nu hŏk tro rim anih pơ tho pơ hrăm hơ nơ̆ng. Đơ̆ng rŏng grŭp lăm 1, đơ̆ng năr ‘nâu (1/9), hŏk tro rim grŭp lăm nai tơ̆ Dak Nông gô hơ nơ̆ng năm tơ̆ hnam trưng kiơ̆ trong ngôi hơ tăih băl. Hơ drô̆ grŭp mầm non ưh kơ pơ gơ̆r năm tơ̆ hnam trưng, lăp sơng hơ ioh truh tơ̆ lăm đơ̆ng rŏng ‘năr 5/9.

Thuem: Tơ blơ̆