VOV4.Bahnar - Yak ăh pơyan ‘mi kial, pơdui hloi tơdrong hiơ\r kơ jơhngơ\m tơ\ tơring đak krong Pa, jăl ro găn dêh char Gia Lai roi năr hơlih teh roi hli hlơt hloh.

Unh hnam yă Vũ Thị Phương, pơlei pơla tơ\ Thái Bình, truh oei jang xa tơ\ thôn Quỳnh Phụ 3, xăh Chư Rcăm, jăl tơje# gơng Lệ Bắc, apu\ng Krông Pa, dêh char Gia Lai kiơ\ xkơ\t năm jang tơ\ tơring ‘nao đơ\ng xơnăm 1985. Unh hnam yă đei axong ăn pơhlom 1.800m²  vă erih xđơ\ng tơ\ âu. Mă lei, tơdrong erih unh hnam yă jing tơxu\l tơxa\l. Đơ\ng xơnăm 2009, hơlih teh tơ\ jih đak krong Pa hơnơ\ng roi năr roi kơ dêh păng dang ei hlôi lang xă truh je# hnam yă Phương. Hơgăt teh đei axong oei xa dang ei oei pă pơhlom 100m² păng mưh đak hơbông noh hơbo\ gô tơhiu pơgoh tơmam drăm hnam oei. 

Unh hnam yă Phương to\k bo\k oei tơjră hăm tơdrong hli hlơt âu rim kơ năr [ơ\t pơyan ‘mi kial truh, ‘meh vă đei axong trong hiôk vă tơgu\m jăk tơ\ anih oei nai, vă xđơ\ng ăn kơ unh hnam: “Unh hnam ưh kơ đei bngai, lơ\m hnam adro# bre me\ kon đe\ch, mir na ưh kơ đei, rim pơyan đak tih thoi âu noh hli kơ hơlih teh dêh mă lei ưh kơ băt vă kơdâu tơ\ yơ. ‘Măng đak hơbông ăh xơnăm 2009 noh kang [o# xăh duh axong kon pơlei păng khullinh năm chă ‘nhăk kon pơlei nămoei tơ\ hnam ‘nho\ng oh kueng [ôt. Đơ\ng xơnăm 2009 truh dang ei noh rim xơnăm hơlih to\ xe\t to\ xe\t. Noh dang ei gơnơm hăm dôm jăl kdră kpal tơgu\m me\ kon inh”

Ataih đơ\ng thôn Quỳnh Phụ 3 pơhlom 1km, hơlih teh tơ\ đak krong Pa duh pơrăm hli hlơt truh tơdrong erih, pơm jang kơ kon pơlei tơ\ pơlei Lang, xăh Chư Rcăm. Hơlih teh tơ\ đak krong Pa hlôi pơm hiong kơ hre\ng ha teh choh jang, tơhiu 21 to\ pơxat păng to\k bo\k oei pơrăm truh hnam oei, tơdrong erih kơ hloh 80 unh hnam kon pơlei. Đơ\ng ro\ng kơ rim ‘măng ‘mi kial đak hơbông, teh hơlih jru\ hloh, lơ unh hnam kon pơlei tơ\ pơlei Lang hiơ\r kơ jơhngơ\m dêh. Kon pơlei lơ xơnăm pơtruh nơ\r hăm kdră kpal tơ\ tơring mă lei duh tam mă đei xek tơlang. {ok Nay Thông, tơ\ pơlei Lang, xăh Chư Rcăm, apu\ng Krông Pa, dêh char Gia Lai tơroi:“Pơtruh nơ\r hăm kdră kpal tơ\ xăh păng dêh char, adrin pơm trong hiôk tơgu\m kon pơlei, vă ‘nhăk kon pơlei truh oei anih ‘nao roi hrôih roi ‘lơ\ng. Vă kon pơlei xđơ\ng vă jang xa. Oei teh, mir na tơ\ âu noh đak tơ hiu pơgoh bơih”

Rok kiơ\ đak krong Pa, ataih hloh 20km găh tu đak krong pơtêng hăm xăh Chư Rcăm, 170 unh hnam hăm pơhlom 900 măt bngai, tơ\ 4 pơlei kon kông tơ\ xăh Ia Rsai, apu\ng Krông Pa duh to\k bo\k oei tơjră hăm tơdrong hli hlơt yuơ hơlih teh tơ\ jih đak krong. Tơ\ 4 pơlei âu, đak krong Pa duh hlôi pơm hơlih teh tơje# hnam kon pơlei. Xơnăm 2012, jơnu\m pơgơ\r xăh Ia Rsai păng anih jang kdră kpal kơ apu\ng Krông Pa hlôi xkơ\t ‘nhăk kon pơlei năm oei tơ\ nai. Mă lei truh dang ei, tơdrong jang duh tam mă keh đang, anih oei tam mă đei unh hơyuh, đak xo\ nhă păng hnam trưng ho\k, kon pơlei tam mă gơh truh oei anih ‘nao. Tơdrong tơm pơm ăn adar âu noh yuơ ưh kơ măh jên axong jang. Kiơ\ Tơchơ\t kxo# 623/QĐ-UBND đơ\ng anih vei lăng kon pơlei dêh char Gia Lai pơkăp tơdrong jang ‘nhăk kon pơlei tơ\ tơring teh hơlih xăh Ia Rsai đơ\ng xơnăm 2012-2014, tơdrong jang đei jên axong hloh 17 tih hlak jên, lơ\m noh 70% jên mong  Trung ương, 30% jên mong tơ\ tơring. Mă lei, truh đ^ xơnăm 2014, đ^ ‘năr xkơ\t jang, tơdrong jang ‘nao adro# đei pơhlom 8 tih hlak jên. Vă dăh hrôih xđơ\ng tơdrong erih ăn kon pơlei, [ok Ngô Tiến Hùng, Kdră anih vei lăng kon pơlei xăh Ia Rsai pơtruh nơ\r: “Dang ei noh đak krong Pa hăp tơplih trong ro hơnơ\ng đe\ch, [ar pêng xơnăm kơ âu, hăp hơlih teh găh tơring kon pơlei oei. Đak ro jăng noh tơpă teh hơlih yơh pơrăm truh hnam oei kon pơlei jing tih tên tơpă. Duh ‘meh vă đei tơdrong tơre\k tơgu\m đơ\ng teh đak roi hrôih roi ‘lơ\ng”

{ok Đinh Xuân Duyên, Kdră anih choh jang xa apu\ng Krông Pa ăn tơbăt, jing tơring tơkuh băl đơ\ng tơring tơmăn păng groi kông, teh noh lu\k lơ\k hăm teh chuơh păng teh krang, apu\ng Krông Pa jing tơring tơm găh hơlih teh kơ đak krong Pa. Dôm xơnăm tơje# âu, tơdrong hơlih teh tơ\ đak krong Pa roi năr roi hli hlơt. Lơ\m apu\ng dang ei đei hloh 280 unh hnam kon pơlei, tơ\ 5 thôn, pơlei kơ 2 xăh Chư Rcăm păng Ia Rsai, to\k bo\k oei tơjră hăm tơdrong hli hlơt găh hơlih teh. Mă lei, tơdrong ‘nhăk kon pơlei le\ch đơ\ng tơring hli hlơt âu oei lơ tơnap tap. Apu\ng hlôi pơkăl dôm jăl jang 3 tơdrong vă jang noh: 2 tơdrong jang vă ‘nhăk kon pơlei tơ\ xăh Chư Rcăm, Ia Rsai păng minh tơdrong jang man pơnơ\ đak krong Pa hăm kxo# jên hloh 320 tih hlak jên. Cho\ng mă, truh dang ei, pơtơm đei tơdrong jang ‘nhăk kon pơlei tơ\ xăh Ia Rsai đei k^ pơkăp mă ưh kơ măh jên jang, hăm 2 tơdrong jang nai đei kxo# jên pơhlom 303 tih hlak jên duh oei gô dêh char păng Trung ương k^ pơkăp. {ok Đinh Xuân Duyên tơroi: “Găh apu\ng, xăh duh hlôi apinh tơgu\m vă axong jang, mă lei jên noh ưh kơ măh mă axong ming man tơdrong kăl. Nhôn hăt hot pơtruh nơ\r hăm dôm jăl kdră kơ dêh char, duh nhen Trung ương hơlen lăng, vă chă hơlen tơ\ tơring hloi păng dăh đei trong tơgu\m jên hăm dôm tơdrong jang hrơ\p minh ‘măng, vei xđơ\ng tơdrong erih kon pơlei tơ\ tơring”

Lơ\m kplăh oei gô tơle\ch jang ‘nhăk kon pơlei tơ\ dôm apu\ng găh hle\ch Gia Lai, erih kiơ\ tơter đak krong Pa duh oei pơtoi tơjră hăm dôm tơdrong hli hlơt găh hơlih teh. Hăm dôm tơdrong tơplih găh hơyuh to# ‘mi, dôm tơdrong tơplih găh trong ro đơ\ng đak krong, tam mă băt tơdrong răm kiơ gô truh hăm kơ hre\ng unh hnam kon pơlei. Lơ\m kplăh noh, pơyan ‘mi kial xơnăm âu hlôi truh, tơdrong pơngơ\t hiơ\r jơhngơ\m găh teh hơlih noh jing tơdrong tih tên hloh dang ei.

Lan chih păng rapor