VOV4.Bahnar - Kơ iĕng Thủ tướng Tĕh đak Lê Minh Khái, Kơdră chĕp pơgơ̆r tơplĭh ‘nao, atŏk tơ iung mŭk drăm tơpôl, hơp tak xah ‘nao tơlĕch Tơdrong vă jang hop akŏm pơtôch 10 sơnăm jang kiơ̆ Khôi luơ̆t Hơp tak xah sơnăm 2012. Tơdrong tơm ‘nŏh vă lăng hơlen dôm tơdrong iŏk đei jơnei, dôm tơdrong jang tim mă ‘lơ̆ng đơ̆ng nŏh hơlen mă brĕ dơ̆ng lơ̆m tơlĕch jang kiơ̆ Khôi luơ̆t Hơp tak xah sơnăm 2012; tơlĕch ăn rim trong jang hơmet pơ ‘lơ̆ng tơnap tap, tơhlăk tơhlĭn vă atŏk ‘lơ̆ng, jơnei bơ̆ jang vei lăng găh mŭk drăm tơpôl, Hơp tak xah, apĭnh athei Khŭl kơdră Tĕh đak, Kuô̆k hô̆i hơmet ming, tơmơ̆t dơ̆ng Khôi luơ̆t Hơp tak xah păng pơm pơkeh rim hla bơar khôi luơ̆t ƀlep hăm yan au găh atŏk tơ iung mŭk drăm tơpôl, Hơp tak xah. ‘Ngoăih kơ ‘nŏh, hơlen lăng dôm tơdrong iŏk đei, tim mă, tim mă ƀlep kơ Khôi luơ̆t Hơp tak xah sơnăm 2012 lơ̆m bơ̆ jang khôi luơ̆t; hơlen ming dôm tơdrong yă kiơ tim mă ‘lơ̆ng đơ̆ng nŏh tơlĕch ăn hơmet pơ ‘lơ̆ng tơdrong tơnap tap, jang kiơ̆ dôm tơdrong iŏk đei jơnei, atŏk kơtang jang kiơ̆ kơ jăp khôi luơ̆t Hơp tak xah.

Tơblơ̆ nơ̆r: Amazưt