VOV4.bahnar – Pơgê 'năr brei (23/7), Kơdră Kuôk hô̆i Vương Đình Huệ pơgơ̆r tơdrong hop akŏm hăm dôm anih jang tơm, anih jang đei tơrĕk vă hơlen tơdrong jang, xơkơ̆t, băt hơdăh tơdrong pơgơ̆r hop akŏm đơ̆ng rŏng kơ 4 năr bơ̆ jang mă blŭng. Đơ̆ng chă pơma đam tơ̆ 'măng hop akŏm âu, lơ̆m khei năr pơrang jĭ Covid-19 tŏk bŏk oei hơbuh hli tơ̆ lơ tơring, lơ bơngai tang măt ăn Kuôk hô̆i hlôi pơkăl Kuôk hô̆i tơbang hơdăh đon kơchĕng găh pơm kiơ̆ dôm tơchơ̆t đơ̆gn Anih tơm Chĭnh trĭ, dôm Hla bar Pơkăp đơ̆ng Anih jang Ƀĭ thư păng yak hadoi hăm Jơnŭm pơgơ̆r teh đak lơ̆m tơdrong jang tang găn păng tơjră pơrang jĭ Covid - 19. Kơdră Kuôk hô̆i Vương Đình Huệ drơ̆ng nơ̆r, Kuôk hô̆i gô ưh đei tơbang minh Tơchơ̆t adrô̆ găh tang găn păng tơjră pơrang jĭ Covid - 19 mă lei gô tơroi hăm Kuôk hô̆i hơmet tơdrong Hop akŏm mă mônh găh tơdrong âu. Jơnŭm pơgơ̆r teh đak gô chih akŏm Hla bar tơbang pơtruh hăm anih jang kơ Kuôk hô̆i tơlĕch hơlen vă Kuôk hô̆i pơma đam păng tơmơ̆t tơdrong mă âu lơ̆m Tơchơ̆t atŭm kơ 'măng hop akŏm mă Mônh, drơ̆ng nơ̆r hơlen ăh jê̆ đĭ 'măng hop akŏm.

Lan chih păng pơre nơ̆r