VOV4.Bahnar - Lơ̆m khei 6 au, 3 hơnĭh mong jên ‘nŏh SeaBank, MSB păng SHB pơkăp ăn Hơnĭh jang gre păr Việt Nam (Vietnam Airlines) tŏk bŏk, hăm kon jên 4.000 ti hlak jên. Kiơ̆ đơ̆ng Dơnŏ anih tơm Pơ prŏ tơdrong jang păng Tơmơ̆t jên jang tơbăt, jĭ hơbŭh Covid-19 pơm ăn hơnĭh jang gre păr đei ƀơm răm kơtang hlŏh, rim hơnĭh jang hlôi vă đĭ kon jên bơ̆ jang, đei ‘măng Hơnĭh jang gre păr Tĕh đak Việt Nam dơ̆ng tơ̆ hơnăp sơlăh. Vietnam Airlines hiong răm hlŏh 4.800 ti hlak jên lơ̆m jăl I păng tơchĕng gô hiong răm lơ̆m 6 khei hơtuch sơnăm au trŭh 10.000 ti hlak jên. Hrei au, hơnĭh jang gre păr au tŏk bŏk đunh khei ‘năr pơdrĕo trŭh 6.240 ti hlak jên păng tŏk bŏk huŏng lơ̆m tơdrong tơnap tap hlŏh. Hrei au, Vietnam Airlines tŏk bŏk atŭm hăm 3 hơnĭh mong jên pơma dơnŭh dĭh băl rim tơdrong pơkăp tŏk iŏk, tơdăh ư̆h kơ đei yă kiơ tơplĭh lei lơ̆m khei 6 dăh mă năr blŭng khei 7, rim hơnĭh mong jên gô tơlĕch ăn trŭh 4.000 ti hlak jên ăn Vietnam Airlines tŏk iŏk.

Tơblơ̆ nơ̆r: Amazưt