VOV4.Bahnar - Hop ako\m Đảng ja#p teh đak mă 13 jing tơdrong jang đei jơnu\m pơgơ\r dôm tơring, kon pơlei kon kông tơ\ tơring Tây Nguyên hơlen băt rim năr, hăm đon lui păng hăm dôm tơdrong pơlong jang kăp g^t. Minh jăl jang đei io\k lơ jơnei, minh xơnăm yak hloh lơ tơnap tap đei jơnei keh kong, lơ tơdrong jang mu\k drăm tơnăp ‘lơ\ng hơ iă to\k bo\k truh roi pơm hơto\k đon lui đơ\ng Tây Nguyên hăm dôm trong hiôk hơto\k tơ iung ‘nao, đei pơih tơle\ch păng đei pơm jang tơpă đơ\ng Hop ako\m 13.

Lơ\m khei năr âu, ja#p pơlei pơla kơ dêh char Gia Lai kơtol [enh [ang hla kơ  Đảng păng hla kơ teh đak. Tơdrong iung pơm jang hăt hot hloh, tơdrong jang pơjing tơring pơxe\l ‘nao đei hơto\k tenh păng tơdrong jang pơyua ăn tơpôl roi tơnăp, pơih xă lơ hloh lơ\m tơpôl.

Tơ\ apu\ng xơlam teh Đức Cơ, [ok Siu Luynh, Pho\ Kơdră Anih vei lăng kon pơlei apu\ng ăn tơbăt, đơ\ng jăl 3 xơnăm 2020 truh dang ei, rim tơdrong pơlong pơm jang rơgei tơ\ apu\ng, hơyak xơng kơkuh kơ Hop ako\m Đảng ja#p teh đak ‘măng mă 13, hlôi đei tơle\ch ja#p jang. Dôm tơdrong jang âu ưh adro# tơgu\m ăn tơring keh đang tơnăp dôm tơdrong tơchơ\t găh mu\k drăm tơpôl xơnăm 2020, mă oei tơgu\m ăn kon pơlei kon kông lơ\m apu\ng băt hơdăh hloh găh tơdrong kăp g^t kơ Hop ako\m mă 13. {ok Siu Luynh xơkơ\t, kon pơlei tơring xơlam teh Đức Cơ to\k bo\k oei tơre\k truh Đảng hăm đon lui kăp g^t păng dôm tơdrong hơpơi tih tên: “Kiơ\ đơ\ng băt tơdrong hơpơi đei đơ\ng kon pơlei noh băt hơdăh, đ^ đăng kon pơlei lui ngeh hăm Hop ako\m gô pôk đei dôm bơngai đei đon bơnôh ‘lơ\ng, gơh rơgei vă pơgơ\r teh đak. Hăm dôm tơring xơlam teh pơma atu\m păng tơring xơlam apu\ng Đức Cơ pơma adro# noh nhôn lui ngeh hăm jăl jang truh âu kơnh, noh Trung ương gô đei dôm trong jang tơnăp hloh, mă hăt dôm trong pơkăp jang găh hơto\k mu\k drăm tơring kon pơlei kon kông; ‘meh vă đơ\ng Hop ako\m mă 13 gô đei dôm trong pơkăp kơjăp vă tơgu\m kon pơlei klaih đơ\ng hin dơnuh kơjăp xơđơ\ng”.

Lơ\m dôm tơdrong pơlong jang vă xơng kơ kuh kơ Hop ako\m mă 13 kơ Đảng, đei pơgơ\r tơ\ dôm tơring Tây Nguyên, đe đoan viên hơdruh tơdăm yuk trong hơlâu.

Hinh

Kiơ\ kơ Trương Văn Hạnh, [^ thư đoan xăh Ia Dreng, apu\ng Chư\ Pưh, dêh char Gia Lai, đoan viên hơdruh tơdăm lơ\m xăh to\k bo\k oei tơgop dôm j^t tơdrong jang pơjing tơring pơxe\l ‘nao lơ\m tơring, tơgop keh đang dôm tơchơ\t tơnap tap mă hơtuch đ^ đăng, hơ ‘nhăk ja#p xăh je# jơnei tôm pơkăp tơring pơxe\l ‘nao. Đoan viên hơdruh tơdăm tơ\ Ia Dreng duh pơm gơng tơroh vă chă tơgu\m ăn rim unh hnam lơ\m xăh tơre\k hăm kơso# jên axong jang kiơ\ dôm tơdrong rơgei kih thuơ\t lơ\m choh jang xa, hơto\k io\k yua. Atu\m hăm đon lui lơ\m tơdrong đei jơnei đơ\ng Hop ako\m Đảng ja#p teh đak ‘măng 13, ‘nho\ng Trương Văn Hạnh hơpơi, hăm dôm trong pơkăp jang gơh rơgei đơ\ng Hop ako\m Đảng ja#p teh đak, xơnong jang kơ đe mơlôh gô roi đei che\p vei tơnăp hloh dơ\ng: “Khul mơlôh tơring Ia Dreng ‘meh vă dôm trong pơkăp jang, tơchơ\t đơ\ng Hop ako\m mă 13 gô tơguăt hăm tơdrong hơto\k tơ iung mu\k drăm, mă hăt noh tơring kon pơlei kon kông; tơre\k tơgu\m lơ hloh hăm đe mơlôh găh tơdrong pơtho pơhrăm, axong tơdrong jang vă đe hơdruh tơdăm iung pơm jang tơgop tơ iung pơjing tơring tơrang po roi năr roi pơdro\ng jơnap ‘lơ\ng ro\”.

Tơpă đei [ôh tơ\ dôm dêh char Tây Nguyên ăn [ôh, lơ\m 1 xơnăm tơxu\l tơxa\l yuơ đơ\ng pơrang j^ Covid-19 păng j^ [ăch hâu; lơ tơring [ơm răm đơ\ng ‘mi kial đak hơbông, mă lei tơre\k kơjăp trong pơkăp jang đơ\ng Đảng, rim dêh char hlôi jang đei jơnei pơđ^ tơchơ\t hơto\k mu\k drăm tơpôl păng tang găn păng hơmet pơrang j^. Găh tơpôl, adrol kơ hop ako\m mă 13 kơ Đảng, pơrang j^ [ăch hâu tơ\ Tây Nguyên hlôi ke\ tang găn păng hơmet klaih; ưh đei lơ bơngai [ơm j^ Covid 19. Găh mu\k drăm, kơjă kơtao ‘long, kơjă kơsu đei [ôh to\k [iơ\; lơ anih jang mu\k drăm pran hlôi truh Tây Nguyên tơchă trong axong jang, chih măt pơm jang dôm tơdrong jang đei jên axong kơ rơbâu tih hlj. Kiơ\ kơ [ok Phạm Minh Tấn, Pho\ [^ thư anih jang kơpal dêh char Đăk Lăk, Hop ako\m mă 13 kơ Đảng truh âu kơnh jing đon lui, jing jơhngơ\m pran ăn Đăk Lăk hơyak hơto\k kơtang hloh dơ\ng: “Nhôn duh hơpơi ‘meh đơ\ng ro\ng kơ đei jơnei, păng tơpă tơdrong đei jơnei đơ\ng Hop ako\m mă 13 kơ Đảng noh Đăk Lăk gô đei trong jang hiôk ‘nao vă pơgơ\r jang kiơ\ Tơchơ\t hop ako\m 13 kơ Đảng tơguăt hăm tơdrong pơm kiơ\ Tơchơ\t hop ako\m khul kơdră kơpal đảng [o# dêh char ‘măng mă 17 jăl jang 2020 – 2025 noh tơ iung pơjing Đăk Lăk roi năr roi pơdro\ng ‘lơ\ng ro\ gơh rơgei”.

Hơyak hăm Hop ako\m mă 13 kơ Đảng, kon pơlei kon kông tơ\ tơring Tây Nguyên roi kơhret kơjăp tơdrong tơguăt tơguăl, tơgu\m dih băl yak hloh tơnap tap; kon pơlei jang mir Tây Nguyên roi hăt hot pơm jang; rim anih jang mu\k drăm adrin hơto\k pran te\ch pơdro, rim anih linh vei xơđơ\ng răh tơpôl ch^nh tr^, xơđơ\ng tơpôl erih xa, tơgop răh ăn tơdrong vei xơđơ\ng găh tang găn păng tơjră j^ Covid-19. Hop ako\m mă 13 kơ Đảng, to\k bo\k oei pơm hơto\k đon lui păng tơdrong hiôk vă Tây Nguyên atu\m hăm ja#p teh đak yak hloh tơnap tap, che\p vei trong hiôk, jang đei jơnei tih tên hloh dơ\ng.

Lan chih păng rapor