VOV4.Bahnar - Tơ̆ ‘măng hop akŏm trực tuyến kơ sơ̆ ‘năr 16/5 tơ̆ anih jang Khŭl kơ dră teh đak đơ̆ng Khŭl chĕp kơ̆l Anih pơ gơ̆r jang teh đak hăm dêh char Bắc Giang păng Bắc Ninh- 2 tơ ring đei ƀôh jĭ Covid-19 kơ tang hloh ăn ƀôh pơ đĭ 2 dêh char tă kơ đei dơ̆ng dôm jĭt ‘nu tơ pŏh jĭ virus SARS- CoV2. Pơ gơ̆r ‘măng hop akŏm, Phŏ Thủ tướng Vũ Đức Đam, Kơ dră anih pơ gơ̆r jang tơ băt lơ̆m 24 jơ truh gô pơ jing điên thoăi kăl vă sơng iŏk tơ roi tơ băt y tế đơ̆ng kon pơ lei lơ̆m tơ drong đei ƀôh kăl. Pơ ma pơ tôch ‘măng hop akŏm, Phŏ Thủ tướng Vũ Đức Đam, tơ roi rơ đăh jĭ tơ poh lanh hrĕnh tơ̆ Bắc Giang ‘noh jĭ yua đơ̆ng hơ nih jang kơ măy kơ mŏk lơ bơ ngai, bơ̆ jang lơ̆m hơ nih ư̆h kơ rơ hơi păng tơ plih đơ̆ng virus tơ poh lanh tôch kơ hrĕnh. Phŏ Thủ tướng pơ ma hơ dăh, vă jang kiơ̆ tơ drong hơ dai, lăp gơ var tơ ring hăm dôm hơ nih hơ mơt kơ tang mă lei dang ei đei hơ nih vei lăng ư̆h kơ jăp tơ ring pơ vang găn, kăl kơ hơ met ming tơ drong ‘nâu. Anih pơ gơ̆r jang teh đak hlôi klăih song rim bơ ngai jang răp hơ len lăng rim tơ ring vă lăng kiơ̆ tơ drong bơ̆ jang.

Thuem: Tơ blơ̆