VOV4.Bahnar - Hăm hơ năn “Hơ tŏk tơ drong ‘lơ̆ng ăn tơ mam Việt mât hơ dai hăm apŭng plenh tĕh” năr ‘nâu (8/10) tơ̆ Hà Nội, Anih tơm vei lăng choh jang xa păng atŏk tơ iung tơ ring tơ rang pơ gơ̆r hop akŏm trư̆k tuyê̆n "Jang hơ doi atŏk tơ iung choh jang xa kơ jăp ‘lơ̆ng kơ Việt Nam (PSAV)". Hop akŏm jĭ jơ năr vă dôm anih jang kơ tĕh đak păng anih jang kơ dih găh choh jang xa vang lăng dơ̆ng jăl trong 10 sơ năm bơ̆ jang păng atŏk tơ iung đơ̆ng "Jang hơ doi atŏk tơ iung choh jang xa kơ jăp ‘lơ̆ng kơ Việt Nam".

Kiơ̆ đơ̆ng noh roi tơ băt dôm tơ drong jơ nei, iŏk đei kŭm nhen dôm ƀai hŏk gĭt kăl vă hơ nơ̆ng pơm hơ tŏk tơ drong đei yoa đơ̆ng jang hơ doi kơ plăh anih jang tĕh đak păng anih jang kơ dih mưh atŏk tơ iung choh jang xa, tơ ring tơ rang kơ jăp ‘lơ̆ng. ‘Nâu kŭm jing tơ drong ‘lơ̆ng vă dôm anih jang vang pơ kăp sơng iŏk jên tơ mât jang atŏk tơ iung choh jang xa Việt Nam kơ jăp ‘lơ̆ng, yak hlŏh dôm tơ drong nol đơ̆ng rơ hyŭng rơ hyăng mŭk drăm, tơ pôl yoa đơ̆ng jĭ Covid 19 pơm tơ lĕch.

Dơ̆ng: Tơ blơ̆