VOV4.Bahnar - ‘Năr 17/5, apu\ng Lâm Hà (Lâm Đồng) pơ gơ\r Hop ako\m bơ ngai tang măt dôm hơ dre\ch kon kông ‘măng mă III, sơ năm 2019, đơ\ng 2019 - 2024. Apu\ng Lâm Hà dang ei đei 30 hơ dre\ch ‘nho\ng o\h arih xa hơ dai, io\k đei 1/4 kơ so# măt bơ ngai lơ\m apu\ng.

Hop ako\m bơ ngai tang măt dôm hơ dre\ch kon kông apu\ng Lâm Hà

Dôm sơ năm âu ki, kon pơ lei dôm hơ dre\ch kon kông tơ\ apu\ng Lâm Hà hlôi tơ iung tơ drong juăt tơ guăt 1 [ơ\r đon, ‘mêm kơ te\h đak, yak hlo\h rim tơ drong mơ mat tat, pơ long nol. Hơ dai hăm tơ drong tơ gu\m đơ\ng te\h đak, kon pơ lei adrin jang kơ dih, pơ jei băl choh jang xa, tơ jur tơ nuh hin tôch ‘lơ\ng.

Truh đ^ sơ năm sơ\, Lâm Hà oei đei 553 unh hnam tơ nuh ‘no\h j^ unh hnam bơ ngai kon kông, io\k đei 8%. Lơ\m apu\ng đei 11 hnam trưng tơ\ tơ ring kon kông oei lăp hăm tơ drong hơ găt ‘lơ\ng kơ te\h đak. Apu\ng đei lơ tơ drong jang, trong roi tơ băt, pơ lung kon pơ lei vei kơ jăp dôm tơ drong jo\h ayo\ kơ do\ xoang, tơ drong et soi ‘lơ\ng đơ\ng kră sơ\ nhen soi kôch đak, soi krao ‘mi, et jur xa [a ‘nao…

Hop ako\m hlôi tơ le\ch tơ drong vă jang păng dôm trong jang găh kon kông, tơ drong tơ gu\m ăn kon kông đơ\ng 2019 - 2024, atu\m hăm ‘no\h pôk rơih Khul tang măt vang năm Hop ako\m dôm hơ dre\ch kon kông lơ\m dêh char, đei 23 ‘nu bơ ngai păng drơ\ng nơ\r ăn kơ thơ chih đon pơ hno\ng đơ\ng hop ako\m.

Dơ\ng: Tơ blơ\