VOV4.Bahnar - Hop ako\m bơ ngai tang măt dôm hơ dre\ch kon kông dêh char Gia Lai ‘măng mă 3 sơ năm 2019 đei pơ gơ\r năr ‘nâu, hăm 250 ‘nu bơ ngai tang măt tơ pă, dơ\ng tang ăn 34 hơ dre\ch kon kông oei arih xa tơ\ dêh char Gia Lai.

Hop ako\m bơ ngai tang măt dôm hơ dre\ch kon kông dêh char Gia Lai ‘măng mă 3 sơ năm 2019 ‘no\h j^ tơ drong chinh tr^ g^t kăl vă pơ tôch, hơ len năng tơ drong jang găh hơ dre\ch kon kông păng dôm tơ drong tơ gu\m ăn kon kông tơ\ dêh char đơ\ng 2014-2019; hơ nơ\ng chih pơ ‘lơ\ng tơ drong tơ gu\m ăn kon kông đơ\ng 2019-2024 păng trong jang truh sơ năm 2030.

Kơ sơ\ brei, hop ako\m pơ gơ\r hôp hơ met le# hơ drol, pôk rơih Khul Kơ dră pơ gơ\r hop ako\m hăm 11 ‘nu bơ ngai; pôk rơih Khul thư ký hop ako\m hăm 02 ‘nu bơ ngai; pôk rơih Khul hơ len năng jơ hngâm đon bơ ngai tang măt hăm 05 ‘nu bơ ngai; pôk rơih Khul tang măt năm hop ako\m dôm hơ dre\ch kon kông tơ\ Trung ương hăm 59 ‘nu bơ ngai tang măt tơ pă păng 05 ‘nu bơ ngai rơih hiă; atu\m hăm ‘no\h drơ\ng nơ\r hăm dôm tơ drong tơm, tơ drong hơ găt lơ\m hop ako\m.

Dơ\ng: Tơ blơ\