VOV4.Bahnar – Hop akŏm dôm Ƀô̆ trưởng jang Tơbôl – Mŭk drăm APEC 'măng mă 32 (AMM 32) 'nao đei pơtơm ăh 6 jơ kơmăng năr 08/11 (kiơ̆ jơ Việt Nam) hăm tơdrong vang akŏm đơ̆ng 21 teh đak jang APEC, Jơnŭm Tơgŭm jang Tĕch pơdro APEC (ABAC), Jơnŭm jang dôm Teh đak Đông Nam Á (ASEAN), Jơnŭm jang hadoi Mŭk drăm Thái Bình Dương (PECC), Hop akŏm dôm Achon teh Thái Bình Dương (PIF), Jơnŭm jang Tĕch pơdro Apŭng plenh teh (WTO), păng Jơnŭm thư kĭ Tơchơ̆t jang đơ̆ng Liên hơp kuôk găh Hơyuh tô̆ 'mi tơplih (UNFCCC). Lơ̆m khei năr pơrang jĭ COVID-19 tŏk bŏk oei hơbuh lang xă, pơrăm tih tên lơ̆m kơpal teh tam mă lăh đei đơ̆ng xơ̆, pơrăm tôm tơdrong jang mŭk drăm, xơnăm âu, Hop akŏm AMM pơtoi đei pơgơ̆r kiơ̆ pơkăp trư̆k tuyê̆n, lơ̆m năr 08-09/11/2021. Hop akŏm đei axong jing 2 'măng pơm jang. 'Măng pơm jang mă 1 đei pơgơ̆r ăh năr 8/11, akŏm pơma đam găh trong hơtŏk tenh hơmet mŭk drăm kiơ̆ dôm tơdrong jang gơh rơgei tĕch pơdro.

Lan chih păng pơre nơ̆r