VOV4.Bahnar - Lơ̆m pơgơ̆r Hop akŏm Jơnŭm chĕp pơgơ̆r AIPA ‘măng mă 42, kơsơ̆ brei năr 23/8 pơgơ̆r Hop akŏm Drŏ kăn jang Nghĭ si, pơma dơnŭh găh tơdrong: “Pơtrut kơtang pơjao gơ̆h jang mŭk drăm ăn drŏ kăn lơ̆m đunh đai tai sơnăm hơmet ming đơ̆ng rŏng jĭ hơbŭh păng tơdrong jang ‘moi kiơ̆ kih thuơ̆t sô̆ păng jên hu”. Tơ̆ Hop akŏm, Kơdră chĕp pơgơ̆r Dơnŏ anĭh bơ̆ jang drŏ kăn jang Nghĭ si AIPA pơma hơdăh tơdrong hơtŏ dĭh băl drŏ nglo drŏ kăn, 30% drŏ kăn ASEAN tŏk bŏk tơ ƀơ̆p tơnap tap păng găh lơ jang tơdrong pơvĭh pơvăn lơ̆m ŭnh hnam. Tơdrong jĭ hơbŭh pơm ăn bơngai drŏ kăn sa roi tơrăn hlŏh dơ̆ng. Covid hlôi atŏk kơtang jang kiơ̆ kmăi kmŏk kơsô̆ kơtang, tơdrong mă au roi năr roi tơnap tap hlŏh dơ̆ng hăm đe drŏ kăn. Kơ yuơ lơlŏh khŭl kơdră tang măt tĕh đak Brunei-tĕh đak tơngla AIPA-42 hlôi đei chĭh tơlĕch tơdrong tơchơ̆t găh tơdrong pơtrŭt kơtang pơjao gơ̆h jang mŭk drăm ăn drŏ kăn păng tơdrong jang ‘moi kiơ̆ kih thuơ̆t sô̆ păng jên hu, vă pơm tơjur tơdrong dơ̆ng hơtăih dĭh băl kơ drŏ nglo hăm drŏ kăn.

Tơblơ̆ nơ̆r: Amazưt