VOV4.Bahnar - Pơgê brei, năr 20/9, tơ̆ Hơnĭh bơ̆ jang Khŭl kơdră Tĕh đak, Kơ iĕng Thủ tướng Lê Văn Thành pơm tơm hop akŏm trư̆k tuyên “Hơmet pơ ‘lơ̆ng tơnap tap, tơhlăk tơhlĭn ăn rim hơdro pơm tơlĕch tơmam drăm tơ̆ rim Hơnĭh jang kmăi kmŏk, hơnĭh jang mŭk drăm, hơnĭh pơm tơlĕch, hơnĭh jang kmăi kmŏk hơgei păng Hơnĭh să jang kmăi kmŏk”.

Pơma pơtôch hop akŏm, Kơ iĕng Thủ tướng Lê Văn Thành athei rim hơnĭh mơdro pơjing trong vă jang hơmet pơ ‘lơ̆ng pơm tơlĕch tơmam drăm, pơm sơđơ̆ng ăn bơngai jang lơ̆m tang găn jĭ đơ̆ng hơnĭh pơm tơlĕch trŭh chơ tĕch mơdro; jang hơdoi hăm tơring vă drơ̆ng mĭnh nơ̆r trong jang ƀet bơ̆ng ăn kŏng nhân, jang hơnơ̆ng khăm hơlen kiơ̆ tơchơ̆t, ư̆h kơ lê̆ đei F0 lơ̆m pơm tơlĕch, chĭu pŭ tơ̆ hơnăp tơring, ư̆h kơ lê̆ đei tơdrong tơpŏh jĭ lơ̆m hơnĭh pơm tơlĕch tơmam drăm. Adoi athei Dơnŏ anĭh tơm vei lăng jang pơgang kăl đei trong tơlĕch jang hơdăh klăh asong vaccine ăn rim tơring đei rim hơnĭh jang kmăi kmŏk pơm tơlĕch tơmam drăm, pơtho tơbăt trong tang găn jĭ, vei lăng sơđơ̆ng ăn bơngai jang.

Tơblơ̆ nơ̆r: Amazưt