VOV4.Bahnar  – Kơsơ̆ năr 29/09, Anih tơm Chĭnh trĭ khul linh kon pơlei Việt Nam păng Jơnŭm jang găh nơ̆r pơma xa Trung ương pơgơ̆r Hop akŏm xơkơ̆t Tơdrong jang hadoi hơlen nơ̆r pơma tơpăt găh Vei xơđơ̆ng tơpôl lơ̆m tơdrong jang vei lăng Teh đak đơ̆ng xơnăm 2018-2021 păng kĭ pơkăp tơdrong jang hadoi hơlen đơ̆ng xơnăm 2021-2026. Tơ̆ hop akŏm, 2 anih jang hlôi kĭ pơkăp Tơdrong jang hadoi đơ̆ng xơnăm  2021-2026. Kiơ̆ kơ noh, ƀar anih jang gô jang hadoi hơlen pơm hơdăh đon kơchĕng, trong pơm jang, trong tơlĕch tơchơ̆t lơ̆m tơdrong jang khul linh, vei xơđơ̆ng tơpôl Teh đak Việt Nam Xăh hô̆i chuh nghĩa kiơ̆ Tơchơ̆t 'măng mă 13 kơ  Đảng, tơguăt hăm tơdrong jang đei ƀôh, dôm tơdrong 'nao găh xơnong jang vei xơđơ̆ng tơpôl teh đak vă pơtruh nơ̆r hăm Anih tơm Chĭnh trĭ, Anih jang Ƀĭ thư tơlĕch dôm trong jang găh tơ iung pơjing vei xơđơ̆ng tơpôl teh đak lơ̆m khei năr dang ei.

Lan chih păng pơre nơ̆r