VOV4.Bahnar - Phŏ Thủ tướng teh đak Phạm Bình Minh hlôi hơ dai hăm Phŏ Thủ tướng, Kơ dră Anih tơm Nội vụ teh đak Campuchia Xo Khênh vang pơ gơ̆r Hop akŏm Jang hơ dai păng Hơ tŏk tơ iung dôm dêh char sơ lam teh đak Việt Nam - Campuchia ‘măng mă 11 kiơ̆ trong trực tuyến. Hop akŏm âu akŏm hơ len lăng tơ drong jang kiơ̆ rim tơ drong drơ̆ng nơ̆r iŏk đei tơ̆ Hop akŏm ‘măng mă 10 pơ gơ̆r khei 1/2019, hơ dai hăm ‘noh pơ ma dơ nuh găh trong jang hơ dai đơ̆ng dôm dêh char sơ lam teh đak Việt Nam – Campuchia tơ̆ hơ năp kơnh. Pơ ma tơ̆ Hop akŏm, 2 kơ dră chĕp kơ̆l pơ ma hơ dăh mă đơ̆ng đei ƀơm ưh kơ ‘lơ̆ng yua đơ̆ng jĭ Covid-19, tơ drong pơ vei 2 teh đak oei vei đei hơ tŏk tơ iung sơ đơ̆ng, roi ‘năr roi ‘lơ̆ng hơ iă, đei yua păng tơ pă. Tơ̆ hơ năp kơnh, 2 păh drơ̆ng nơ̆r hơ drin hơ tŏk loi dơ̆ng đei yua jang hơ dai lơ̆m tơ jră hăm jĭ Covid-19, vang tơ gop ‘lơ̆ng lơ̆m tơ drong jang vei lăng jĭ hơ buh kŭm nhen pơ trŭt tơ iung ming, hơ tŏk tơ iung mŭk drăm - tơ pôl kơ 2 teh đak pơ ma atŭm păng dôm dêh char sơ lam pơ ma hơ drô̆.

Thuem: Tơ blơ̆