VOV4.Bahnar – Pơma tơ̆ Hop akŏm trư̆k tuyê̆n jâ̆p teh đak đơ̆ng Thủ tướng teh đak hăm bơngai tang măt ăn dôm anih jang mŭk drăm, jơnŭm jang mŭk drăm păng rim tơring găh dôm trong jang pơklaih tơnap tap, hơtŏk jang tĕch pơdro đơ̆ng anih jang mŭk drăm lơ̆m khei năr pơrang jĭ Covid-19 hơbuh hli, Thủ tướng Phạm Minh Chính ră hơdăh, âu jing minh tơdrong tơnap tap tih tên mă lei lui ngeh hăm khul jang mŭk drăm rơgei gô yak hloh tơdrong răm đơ̆ng pơrang jĭ Covid- 19, păng pơjing đei hơnăn ăn kơdih po, hăm tơdrong hơtŏk kơjă 'lơ̆ng rŏ kơ bơngai jang tĕch pơdro noh đon 'lơ̆ng – gơh rơgei – dơnưp. Hop akŏm âu jing 'măng vă Khul kơpal teh đak, Thủ tướng teh đak tơmơ̆ng tơdrong 'meh vă, tơdrong pơtruh nơ̆r đơ̆ng dôm anih jang mŭk drăm, dôm jơnŭm jang, rim tơring, anih jang, chă đei trong jang vă pơklaih tơnap tap hơdăh hloh, kơjăp đei jơnei lơ̆m khei năr hăt hot dang ei.

Lan chih păng pơre nơ̆r