VOV4.Bahnar - Pơgê năr 12/11, tơ̆ Hà Nội, Học viện Chính trị Công an kon pơlei găh Dơnŏ anĭh tơm Kŏng ang pơgơ̆r Hop akŏm khoa hŏk “Hơnăp jang kơ Kŏng ang kon pơlei lơ̆m tơ iung pơjing Tĕh đak xã hội chủ nghĩa Việt Nam kơ kon pơlei, yuơ kơ kon pơlei păng kơ yuơ kon pơlei”. Tơ̆ hop akŏm, rim kơdră tang măt drơ̆ng mĭnh nơ̆r sơkơt hơdăh, tơ iung pơjing Tĕh đak xã hội chủ nghĩa ‘nŏh trong tơlĕch gĭt kăl hlŏh đơ̆ng Đảng păng Tĕh đak bơ̆n. Kiơ̆ đơ̆ng PGS.TS Lê Văn Cương, sơ̆ Kơdră chĕp pơgơ̆r Hơnĭh tơm chă tơchĕng khoa hŏk păng trong jang kăl găh Dơnŏ anĭh tơm Kŏng ang, vă khŭl Kŏng ang kon pơlei jang kiơ̆ hơnăp jang kơ dĭh lơ̆m tơ iung pơjing Tĕh đak Xã hội chủ nghiã, kăl jang kiơ̆ kơ jăp ‘lơ̆ng vei lăng Đảng, vei lăng Tĕh đak, vei lăng chăl chĕp pơgơ̆r xã hội chủ nghĩa; vei lăng kơ jăp iăp kơtang tơdrong sơđơ̆ng tĕh đak, sơđơ̆ng tơpôl, vei kơ jăp keh kong păng đei iok yua ‘lơ̆ng hơ iă kơ Kon pơlei.

Tơblơ̆ nơ̆r: Amazưt