VOV4.Bahnar - Tơ̆ Hà Nội, Đại tướng Phan Văn Giang, Kơ dră jang lơ̆m Anih tơm Chinh trĭ, Phó bí thư Quân ủy Trung ương, Kơ dră tơm vei lăng khul linh tĕh đak, pơ gơ̆r hop akŏm kơ dră chĕp kơ̆l Anih tơm vei lăng khul linh tĕh đak khei 7 sơ năm 2021.

Pơ ma lơ̆m hop akŏm, Đại tướng Phan Văn Giang, Kơ dră tơm vei lăng khul linh tĕh đak pơ ma hơ dăh vă tơ lĕch jang păng jang kĕh rim tơ drong vă jang lơ̆m khei 8 athei đĭ đăng khul linh akŏm jơ hngâm, bơ̆ jang đei yoa ‘lơ̆ng 1,2 tơ drong jang tơm. Hơ nơ̆ng hlôh vao, jang kiơ̆ dôm nơ̆r pơ tho đơ̆ng Trung ương, hơ tŏk tơ drong jang tang găn jĭ Covid-19.

Đĭ đăng khul linh kơ chăng jang hơ doi đei yoa hăm dôm tơ ring, mă loi ‘nŏh jĭ plt Hồ Chí Minh păng dôm dêh char găh Pơ băh lơ̆m tơ drong tang găn jĭ Covid-19, lơ̆m nŏh năng kăl truh tơ drong vei sơ đơ̆ng ăn khul linh vang bơ̆ jang. Dôm anih jang kơ pal pơ tho tơ ƀô̆h ăn đĭ đăng khul linh pơ tâp pơ hrăm ăn rim bơ ngai mă ‘lơ̆ng, lăp hăm tơ drong jang tang găn jĭ Covid-19; tơ rĕk, pơ tho tơ ƀôh ăn dôm khul vang năm thi pơ long tơ̆ Army Games 2021 vă gơ̆h iŏk đei jơ nei ‘lơ̆ng hlŏh.

Dơ̆ng: Tơ blơ̆