VOV4.Bahnar - Tơ\ Kazakhstan, Hop ako\m Kơ dră Kuôk ho#i rim te\h đak Á –Âu (MSEAP) ‘măng mă 4 hăm hơ năn “Hop ako\m Á -Âu: pơ ma dơ nu\h – lui nge\h – jang hơ dai” hlôi đei pơ gơ\r. Khu\l tang măt Kuôk ho#i Việt Nam yua đơ\ng Pho\ kơ dră Kuôk ho#i Tòng Thị Phóng che\p kơ\l, vang tru\h hop ako\m.

Pơ ma tơ\ jơ hop ako\m đ^ đăng, Pho\ kơ dră Kuôk ho#i Tòng Thị Phóng pơ ma hơ dăh hơ năp jang đơ\ng jang hơ dai lơ pang lơ\m tơ ring păng lơ\m apu\ng ple\nh te\h lơ\m khei ‘năr tơ drong apu\ng ple\nh te\h to\k bo\k yak hlo\h dôm tơ drong tơ pl^h hre\nh păng mơ mat, hơ dai hăm tơ roi hơ dăh trong jang tơ gu\m kơ chăng păng hơ drin mơ\t jang hơ dai hăm apu\ng ple\nh te\h đơ\ng Việt Nam.

Pho\ kơ dră Kuôk ho#i Tòng Thị Phóng vang hop ako\m

Đơ\ng ro\ng 1 năr bơ\ jang, hop ako\m hlôi pơ tôch, rim te\h đak vang tru\h hop ako\m hlôi pơ drơ\ng tơ chơ\t hop ako\m, sơ kơ\t hơ dăh hơ năp jang g^t kăl đơ\ng nghị viện rim te\h đak Á-Âu lơ\m tơ drong vei kơ jăp bơ\ jang hơ dai tơ ring vă vei lăng ‘lơ\ng tơ drong pơ vei jang hơ dai tôm tơ drong kiơ\ lơ\m pơ yom tơ drong hơ to\ hơ nơ\ng păng jo# tru\h đei yua atu\m.  

Thuem: Tơ blơ\