VOV4.Bahnar  – ‘Năr âu, pơgơ\r Hop ako\m kơdră tang măt Đảng [o# dêh char Đăk Lăk ‘măng 17, jăl jang 2020 - 2025. Hop ako\m pơgơ\r lơ\m 3 năr, đơ\ng năr 13/10/2020 truh năr 15/10/2020 hăm  349 ‘nu tang măt ăn hloh 80.000 đảng viên kơ 20 Đảng [o# lơ\m tơring năm Hop ako\m. Vă hơmet ăn Hop ako\m kơdră tang măt Đảng [o# dêh char, truh dang ei Anih jang kơpal dêh char Đăk Lăk hlôi pơgơ\r keh kong Hop ako\m Đảng [o# tơ\ tơring păng tơ\ kơpal. Hla bar chih tơbang pơkăp Hop ako\m hlôi đei chih [lep kiơ\ pơtho đơ\ng Trung ương. {an cha#p hanh Đảng [o# dêh char hlôi pơkăp bơngai jang ăn jăl jang 2020 - 2025, dôm tơdrong hơmet bơngai jang vei kiơ\ xơkơ\t kơso# bơngai, tơdrong kăl nai... kiơ\ [lep tơchơ\t đơ\ng Anih tơm Ch^nh tr^ păng Jơnu\m pơgơ\r jang Trung ương. Anih jang kơpal dêh char Đăk Lăk ăn tơbăt, Hop ako\m duh gô tơjur tơdrong io\k pơkao thơ thâu hơ iă vă tang găn huach. Atu\m hăm noh, Jơnu\m pơgơ\r Hop ako\m gô ako\m Jơnu\m chih hla bar tơroi vă pơm trong hiôk ăn đe chih kơtơ\ng ang ăn ‘măng Hop ako\m âu.

Lan chih păng rapor