VOV4.Bahnar - Năr 2/4, Khŭl kơdră chĕp pơgơ̆r Đảng dêh char Kon Tum jăl XVI pơgơ̆r Hop akŏm ‘măng mă 3. Tơ̆ hop akŏm, rim kơdră tang măt akŏm chă pơma dơnŭh, ăn tơgop nơ̆r hăm hla bơar chĭh tơbăt dôm tơdrong jang kiơ̆ tơdrong jang mŭk drăm - tơpôl, vei lăng sơđơ̆ng tĕh đak-sơđơ̆ng tơring, tơ iung pơjing Đảng păng khŭl jang chĭnh trĭ jăl I/2021. Iung pơma pơtôch hop akŏm, Bí thư Đảng dêh char hôn bơnê mĭnh ƀar tơdrong jang hlôi iŏk đei jơnei gĭt kăl lơ̆m jăl I. Hăm tơdrong jang lơ̆m jăl jang mă II, Ƀĭ thư Đảng dêh char athei, kăl iung jang blung a, akŏm krao hơvơn tơmơt jên jang, kăl chĕp pơgở hơnơ̆ng, hơmet pơ ‘lơ̆ng tơhlăk tơhlĭn, pơjing rơvơn ăn rim bơngai tơmơ̆t jên jang hrô̆ih tơlĕch jang kiơ̆. Dơnŏ anĭh Đảng dêh char athei Khŭl kơdră chĕp pơgơ̆r Đảng Dơnŏ anĭh vei lăng kon pơlei dêh char hơdrin pơrô̆, athei rim apŭng, pơlei tơm, rim anĭh bơ̆ jang hơvơn kơ tang khŭl jang, iung jang kơtang jang kiơ̆ jơnei păng jang keh đang hlŏh nơ̆r tơlĕch jang mŭk drăm-tơpôl sơnăm 2021.

Tơblơ̆ nơ̆r: Amazưt