VOV4.Bahnar - Hăm hơ năn “ Hơ tŏk loi dơ̆ng tơ drong pơ vei jang hơ dai nghị viện yua kơ hơ tŏk tơ iung kơ jăp păng tơ jră hăm rơ hiŭng rơ hiăng Covid-19 tơ̆ tơ ring 3 teh đak hơ tŏk tơ iung Campuchia-Lào-Việt Nam”, pơ gê ‘năr 23/9, Hop akŏm ‘măng mă 8 Anih jang tơ bôl Kuôk hô̆i pêng teh đak Campuchia - Lào - Việt Nam găh tơ ring 3 teh đak hơ tŏk tơ iung, yua đơ̆ng kuôk hô̆i Campuchia iŏk pơ gơ̆r kiơ̆ trong trực tuyến. Khŭl tang măt Anih jang tơ bôl kơ Kuôk hô̆i Việt Nam yua đơ̆ng ƀok Vũ Hải Hà, Kơ dră Anih jang pơm Kơ dră khŭl vang hop akŏm. Hop akŏm jĭ trong jang hơ dai atŭm gĭt kăl vă vang tơ roi tơ drong hlôh vao păng hơ met pơ ‘lơ̆ng dôm long nol vă pơ trŭt, tơ gŭm pêng Khŭl kơ dră teh đak pơ jing 1 Tơ ring 3 teh đak hơ tŏk tơ iung hơ nŭk hơ noa hloh, mă kăl ‘noh jĭ tơ iung ming tơ drong đei ƀơm ưh kơ ‘lơ̆ng yua đơ̆ng Covid-19 pơm ăn hăm dôm mŭk drăm păng jang sa đơ̆ng kon pơ lei lơ̆m tơ ring, hơ dai hăm ‘noh hơ tŏk tơ drong vih hơ lơ̆k hmă lơ̆m khei ‘năr tơ jê̆.

Thuem: Tơ blơ̆