VOV4.Bahnar – Pơgê năr 13/12, tơ̆ Hà Nội, lơ̆m tơdrong pơkăp Hop akŏm jang Tơbôl ‘măng 31, hlôi pơgơ̆r Hop akŏm Nguăi vŭ jâ̆p teh đak ‘măng 20 kiơ̆ pơkăp kơtă păng trư̆k tuyê̆n, tơroh hăm dôm anih pơdjoi lơ̆m păng ‘nguaih kơ teh đak. Hop akŏm Nguăi vŭ ‘măng 20 jing ‘măng kăp gĭt vă dôm tơring, dôm anih jang tơm, anih jang Trung ương, dôm Anih jang tang măt ăn Việt Nam tơ̆ teh đak đe păng dôm anih vang jang lơ̆m apŭng plenh teh atŭm pơkăp dôm tơdrong đei jơnei lơ̆m tơdrong jang tơbôl tơ̆ tơring, tơlĕch dôm trong jang vă hơtŏk jang hadoi, hơtŏk đei jơnei tơdrong jang âu lơ̆m khei năr truh. Tơ̆ hop akŏm, Ƀô̆ trưởng jang Tơbôl Bùi Thanh Sơn xơkơ̆t: Đơ̆ng hop akŏm Nguăi vŭ jâ̆p teh đak ‘măng mă 19 xơnăm 2018 truh dang ei, tơpôl apŭng plenh teh păng lơ̆m tơring hlôi jing tơxŭl tơxăl. Lơ̆m noh, pơrang jĭ Covid-19 pơdui đunh jê̆ 2 xơnăm kơ âu hlôi păng tŏk bŏk pơrăm lang xă truh rim tơdrong erih chĭnh trĭ, mŭk drăm – tơpôl kơ dôm teh đak păng akŏm apŭng plenh teh. Hăm tơdrong pơgơ̆r đơ̆ng Đảng, tơdrong pơgơ̆r kơjăp đơ̆ng Khul Kơpal teh đak, tơdrong vang jang đơ̆ng tôm anih jang chĭnh trĭ, rim tơring hlôi adrin yak hloh tơnap tap lơ̆m tang găn păng tơjră pơrang jĭ, pơtoi hơtŏk mŭk drăm – tơpôl păng jang hadoi lơ̆m kơpal teh.

Lan chih păng pơre nơ̆r