VOV4.Bahnar - Hop akŏm pơ ma dơ nŭh ‘măng mă 2 yua đơ̆ng khŭl kơ dră Anih jang Trung ương Mặt trận tổ quốc Việt Nam pơ gơ̆r pơ ge ‘năr 18/3 hlôi pơ drơ̆ng kiơ̆ hơ năn 205 ‘nu đơ̆ng rim anih jang Trung ương lĕch pơ jei pơm bơ ngai tang măt Quốc hội jăl 15. Tơ drong rơ̆ih bơ ngai lĕch pơ jei pơm bơ ngai tang măt Quốc hội jăl 15 pơ gơ̆r lơ̆m khei ‘năr kơ đeh đơ̆ng ‘năr 24/2 truh ‘năr 14/3 âu ki. Hăm jơ hngơ̆m đon tơ păt, kon pơ lei pơm tơm, rim anih jang, khŭl jang tơ̆ Trung ương hlôi pơ gơ̆r ƀlep, tôm rim hơ yak rơ̆ih bơ ngai lĕch pơ jei pơm bơ ngai tang măt Quốc hội jăl 15. Đei 205 lơ̆m akŏp kơ sô̆ 205 ‘nu đei rơ̆ih lĕch pơ jei pơm bơ ngai tang măt Quốc hội jăl 15 adoi đei đĭ đăng bơ ngai tăh hla pôk rơih. Đơ̆ng hơ năn  205 ‘nu kơ rim anih jang, khŭl jang tơ̆ Trung ương đei rơ̆ih lĕch pơ jei pơm bơ ngai tang măt Quốc hội jăl 15, bơ ngai tang măt vang Hop akŏm hlôi đei dôm nơ̆r tơ gop tơ păt, rơ hâu vă hơ len lăng găh tơ drong hơ găt bơ ngai tang măt Quốc hội. Tơ̆ hop akŏm pơ ma dơ nuh, đĭ đăng bơ ngai jang lơ̆m Khŭl Kơ dră Anih jang Trung ương Mặt trận tổ quốc Việt Nam đei măt hlôi yơ̆r ti pơ drơ̆ng kiơ̆ hơ năn 205 ‘nu đơ̆ng rim anih jang Trung ương lĕch pơ jei pơm bơ ngai tang măt Quốc hội jăl 15.

Thuem: Tơ blơ̆