VOV4.Bahnar - Tơ\ Hà Nội, An^h tơm tơ le\ch nơ\r sơ kơ\t tơ mât jên jang, hăm An^h tơm vei lăng choh jang xa păng ato\k tơ iung tơ ring tơ rang, Gru\p Hơp tak xăh (HTX) Việt Nam pơ gơ\r hop ako\m lơ\m te\h đak Pơ tôch 15 sơ năm bơ\ jang Tơ drong tơ chơ\t Trung ương 5 jăl IX găh hơ nơ\ng tơ plih ‘nao, ato\k tơ iung păng hơ to\k tơ drong đei yoa đơ\ng mu\k drăm atu\m, HTX.

Đơ\ng ro\ng 15 sơ năm tơ le\ch jang, Đảng păng te\h đak tơ le\ch lơ trong jang, tơ drong tơ gu\m vă hơ met kơ jăp păng hơ to\k tơ drong đei yoa đơ\ng HTX. Khul kơ dră te\h đak, Thủ tướng te\h đak hơ met ming, tơ le\ch lơ tơ drong tơ gu\m ‘nao, hơ met pơ ‘lơ\ng tơ drong pơ gơ\r [ơm truh trong jang mu\k drăm atu\m, HTX.

Jo# truh ‘năr 31/12/2018, lơ\m te\h đak đei hlo\h 101 rơ bâu gru\p jang hơ doi, hlo\h 22.800 HTX păng 74 Gru\p HTX, sơng đei vă je# 6 triu ‘nu bơ ngai vang jang. Mă loi, lơ\m 5 sơ năm tơ je# âu, đơ\ng đei Luơ\t HTX sơ năm 2012, kơ so# HTX ‘nao pơ jing to\k hre\nh kiơ\ sơ năm. HTX đei [ơm ‘lơ\ng truh tơ drong jang mu\k drăm kơ dôm bơ ngai jang, kiơ\ đơ\ng chă tơ drong jang, tơ jur [iơ\ jên jang, pơm hơ to\k io\k yoa, sut pơ ngot, tơ jur tơ nuh, vei sơ đơ\ng tơ drong arih xa tơ pôl tơ\ tơ ring.

Dơ\ng: Tơ blơ\