VOV4.Bahnar - Tơ̆ Hà Nội, Anih jang Quốc hội pơ gơ̆r Hop akŏm pơ tôch jăl jang đơ̆ng Grŭp bơ ngai tang măt Quốc hội mơ lôh Quốc hội jăl 14 (2016-2021). Phŏ kơ dră Quốc hội Đỗ Bá Tỵ vang năm hop akŏm. Dôm nơ̆r tơ gop sơ kơ̆t hơ dăh: Bơ ngai tang măt Quốc hội mơ lôh hlôi tơ gop 1 păh ư̆h kơ iĕ, ‘lơ̆ng lơ̆m tơ drong jang lơ̆m tơ drong jang pơ jing khôi luơ̆t, dăr hơ len păng tơ chơ̆t dôm tơ drong kơ Quốc hội jăl 14, sơ kơ̆t hơ dăh đei hơ nih dơ̆ng, hơ năp jang đơ̆ng jơ hnơr mơ lôh Việt Nam lơ̆m anih jang chĕp kơ̆l teh đak tih hlŏh, tơ găl hăm đon lui đơ̆ng Đảng, Quốc hội, kon pơ lei păng bơ ngai tăh hla lơ̆m teh đak. Mă lei, dôm bơ ngai tang măt kŭm tơ ƀôh jơ hngơ̆m đon jĭ bơ ngai tang măt mơ lôh, yua thoi noh oei ư̆h kơ gan hlôh vao lơ, kăl athei hơ drin hŏk pơ hrăm lơ hloh dơ̆ng. Pơ ma tơ̆ Hop akŏm, Phŏ Kơ dră Quốc hội Đỗ Bá Tỵ tơ băt gô tơ roi tơ băt ăn Anih chĕp kơ̆l pơ gơ̆r Quốc Hội vă hơ nơ̆ng đei trong jang tơ gŭm đei yua hlŏh dơ̆ng ăn tơ drong jang đơ̆ng Grŭp bơ ngai tang măt Quốc hội mơ lôh.

Thuem: Tơ blơ̆