VOV4.Bahnar -  Năr 27/11, tơ\ Hà Nội, Dơno\ an^h tơm jang tơbôl Việt Nam pơm tơm păng iung jang hơdoi hăm rim hơn^h bơ\ jang pơgơ\r Hop ako\m pơtôch 5 sơnăm jang kiơ\ Nơ\r athei jang kiơ\ 45 đơ\ng Dơno\ an^h tơm Ch^nh tr^ găh bơ\ jang hăm bơngai Việt Nam oei tơ\ te\h đak đe lơ\m chăl hle. Iung pơma tơ\ Hop ako\m, Kơ ie\ng Thủ tướng, Kơdră jang tơbôl Phạm Bình Minh hôn bơnê kơtang dôm tơdrong tơgop ‘lơ\ng hơ iă đơ\ng kon pơlei Việt Nam oei tơ\ te\h đak đe ăn tơdrong jang tơ iung pơjing păng vei lăng Te\h đak khei năr au ki. Mă hơdăh, kon jên gơih tơv^h tơ\ te\h đak đơ\ng sơnăm 1993 tru\h dang ei đei dang 175 ti dolar, hơnhăk te\h đak Việt Nam jing m^nh lơ\m dôm te\h đak sơng io\k kon jên te\h đak đe gơih pơ tru\h lơ hlo\h kơ apu\ng ple\nh te\h lơ\m dôm sơnăm tơ je# au. Mă đơ\ng io\k đei jơnei hơ iă, mă lei Kơ ie\ng Thủ tướng jei akhan, bơ\ jang găh bơngai Việt Nam oei tơ\ te\h đak đe oei đei tim mă gan ‘lơ\ng. Kơ yuơ lơ lo\h, hop ako\m au kăl pơma dơnu\h păng tơgop nơ\r găh trong bơ\ jang, tơdrong jang tơm păng adoi nhen rim trong jang hơdăh vă ato\k kơtang jang tôm tong ‘lơ\ng hơ iă hlo\h dơ\ng lơ\m bơ\ jang găh bơngai Việt Nam oei tơ\ te\h đak đe.

Tơblơ\ nơ\r: Amazưt