VOV4.Bahnar - Pơ gê 2/12, pơ gơ̆r hop akŏm tơ guăt trong tĕch mơ dro tơ mam đơ̆ng plt Hồ Chí Minh păng dôm dêh char, plt lơ̆m tĕh đak. Pơ ma lơ̆m jơ hop akŏm, Phŏ kơ dră tơm vei lăng jang kơ măy, tĕch mơ dro Đỗ Thắng Hải tơ chĕng ‘lơ̆ng tơ drong vei lăng măh mai tơ mam yoa kăl ăn dang 10 triu ‘nu bơ ngai tơ̆ plt Hồ Chí Minh kơ tă lơ̆m khei ‘năr mơ mat tat dêh hlŏh yoa đơ̆ng jĭ hơ buh tơ pŏh. 

Hop akŏm tơ guăt trong tĕch mơ dro đơ̆ng plt Hồ Chí Minh păng dôm tơ ring

Vă pơm hơ tŏk tơ drong đei yoa đơ̆ng tơ drong jang, tơ gŭm ăn anih tĕch mơ dro tơ iung dơ̆ng tơ drong jang xa, Phŏ Kơ dră Đỗ Thắng Hải athei kơ dră chĕp kơ̆l Dơ nŏ anih vei lăng kon pơ lei plt HCM, Anih vei lăng tĕch mơ dro dôm dêh char păng anih tĕch mơ dro vang hơ tŏk tơ drong đei yoa mưh jang hơ doi vang tĕch mơ dro tơ mam, mă loi ‘nŏh jĭ dôm tơ drong jang Vei sơ đơ̆ng anih tĕch mơ dro păng tơ drong jang tơ guăt trong tĕch tơ mam kiơ̆ đơ̆ng akŏm jơ hngâm tơ gŭm tưk tơ iung anih tĕch mơ dro tơ mam đơ̆ng choh jang xa, tơ mam yoa kăl.

Dơ̆ng: Tơ blơ̆