VOV4.Bahnar - Đei lơ̆m dôm tơ drong jang vă tơ băt Năr unh hnam Việt Nam, pơ gê hei (28/6), Trung ương Khul drŏ kăn Việt Nam jang hơ doi hăm Anih tơ chĕng hơ len unh hnam păng drŏ nglo drŏ kăn, Anih tơ chĕng hơ len Khoa hŏk tơ pôl Việt Nam pơ gơ̆r hop akŏm Khoa học tĕh đak “Hơ nhăk tơ drong tơ chơ̆t đơ̆ng Hop akŏm mă 13 lơ̆m tơ drong arih xa: Tơ iung tơ drong kăp gĭt đơ̆ng unh hnam Việt Nam – Lăng ƀôh păng trong vă jang”.

Lơ̆m hop akŏm, bơ ngai tang măt dôm anih tơm, anih jang kơ pal, khul bơ ngai jang juăt găh unh hnam păng drŏ kăn drŏ nglo chă pơ ma nuh găh lơ tơ drong tơ chĕng hơ len khoa hŏk păng dôm tơ drong kăl đei chih iŏk găh dôm kơ jă kăp gĭt đơ̆ng unh hnam Việt Nam; tơ chĕng hơ len tơ ƀôh hơ dăh dôm kơ jă kăp gĭt đơ̆ng unh hnam, lăp hăm dôm tơ drong hơ pơi ‘mĕh đơ̆ng drŏ kăn kŭm nhen hơ năp jang đơ̆ng Khul drŏ kăn Việt Nam.

Atŭm hăm ‘nŏh, athei tơ lĕch tơ drong krao hơ vơn, bơ̆ jang găh unh hnam hăm dôm tơ drong jang rơ đăh, lăp ‘lơ̆ng tơ̆ hơ năp kơnh. Hop akŏm đei pơ gơ̆r kiơ̆ trong trư̆k tuyê̆n tơ̆ anih pơ dăh Hà Nội păng dôm anih pơih pơ dăh lơ̆m tĕh đak kiơ̆ kơ măy SureMeet.

Dơ̆ng: Tơ blơ̆