VOV4.Bahnar  -  Pơgê năr 8/10, tơ̆ Hà Nội, Anih jang găh bơngai tang măt kơ Anih juăt jang Kuôk hô̆i pơgơ̆r hop akŏm hlôh vao kăp gĭt ăn bơngai jang Kuôk hô̆i đei pôk jang 'măng blŭng. Pơma ăh jơ pơtơm hop akŏm, Phŏ Kơdră anih juăt jang Kuôk hô̆i Trần Thanh Mẫn xơkơ̆t: Bơngai jang Kuôk hô̆i jing tơdrong tơm, đei xơnong jang dơnơm, pơkăp truh tơdrong pơyua lơ̆m pơm jang kơ Kuôk hô̆i. Tơdrong pơma đam hlôh vao, hŏk hơlen pơm jang jing minh lơ̆m dôm tơdrong tơgŭm ăn bơngai jang Muôk hô̆i hơtŏk hlôh vao, tơnăp lơ̆m tơdrong jang kơ teh đak, chĕp vei tơdrong pran kơ rim bơngai jang. Tơ̆ hop akŏm, rim bơngai tang măt năm hopa kŏm tơroi găh tơdrong hlôh vao đei tơrĕk truh dôm tơdrong nhen: Apinh jet păng hlôh vao găh khôi luơ̆t tơchơ̆t; Tơdrong pơma xa kloh klĕch, pơma đam păng tơl nơ̆r hăm anih chih hla bar tơroi lơ̆m hop akŏm.

Lan chih păng pơre nơ̆r