VOV4.Bahnar - Pơgê au, 27/05, Dơnŏ anĭh tơm vei lăng Pơtho pơhrăm pơgơ̆r hop akŏm trư̆k tuyên hăm 63 dêh char, pơlei tơm găh bơ̆ jang pơgơ̆r pơlong lĕch ‘măng khoă lăm 12 sơnăm hŏk 2021. ‘Nau hop akŏm đei rim tơring gô chang vă pơjing trong jang hơmet ăn pơgơ̆r pơlong ƀlep lơ̆m khei ‘năr đei jĭ hơbŭh Covid-19 tŏk bŏk pơrăm kơtang. Hop akŏm đei pơgơ̆r kiơ̆ trư̆k tuyên tơ̆ Dơnŏ anih tơm vei lăng Pơtho pơhrăm păng rim hơnĭh pơdăh ‘moi kiơ̆ kmăi kmŏk trư̆k tuyên Tĕh đak. Tơdrong tơm kơ Hop akŏm ‘nŏh tơlĕch trong jang ‘Măng pơlong lĕch ‘măng khoă lăm 12 sơnăm 2021; dôm tơdrong mă Dơnŏ anĭh vei lăng kon pơlei rim dêh char, pơlei tơm kăl pơrô̆ athei rim hơnĭh bơ̆ jang tơ iung pơjing păng tơlĕch jang kiơ̆ pơgơ̆r Pơlong lĕch ‘măng khoă lăm 12, sơđơ̆ng, tơpăt ‘lơ̆ng. Hrei au jĭ hơbŭh Covid-19 hlôi pơm ăn lơ hŏk tro lăm 12 măh ăn oei hơdrô̆ dăh mă oei lơ̆m tơring ăn oei hơtăih dĭh băl, ƀơm kơnê̆ truh tơdrong hŏk păng hŏk ming dơ̆ng hơmet ăn ‘măng pơlong lĕch ‘măng khoă.

Tơblơ̆ nơ̆r: Amazưt