VOV4. Bahnar - Pơgê năr 2/7, pơgơ̆r Hop akŏm trư̆k tuyên găh vei lăng, atŏk tơ iung hơnĭh jang kmăi kmŏk pơm tơlĕch tơmam drăm, đei tơgoăt đơ̆ng hơnĭh pơgơ̆r tơm Hà Nội kơ yuơ Kơdră chĕp pơgơ̆r Dơnŏ anĭh tơm vei lăng Mơdro sa Nguyễn Hồng Diên pơm tơm, tơgoăt hăm rim dêh char, pơlei tơm vă pơm hơdăh tơdrong tơnap tap, tơhlăk tơhlĭn lơ̆m tơdrong jang kơ rim hơnĭh jang kmaiw kmŏk pơm tơlĕch tơmam drăm lơ̆m khei năr au ki, đơ̆ng nŏh tơlĕch trong jang vei lăng kơ jăp, jơnei rim hơnĭh jang kmăi kmŏk pơm tơlĕch tơmam drăm lơ̆m khei năr kơnh. Kơ yuơ, kiơ̆ trong pơchŏh ăn trŭh sơnăm 2025 pơ đĭ lơ̆m tĕh đak đei hlŏh 1.704 hơnĭh jang kmăi kmŏk. Mă lei, kiơ̆ đơ̆ng Dơnŏ anĭh vei lăng mơdro sa kơ rim dêh char, pơlei tơm chĭh jô̆, trŭh đĭ sơnăm 2020, lơ̆m tĕh đak đei 968 hơnĭh jang kmăi kmŏk pơm tơlĕch tơmam drăm hăm hơgăt tĕh să 30.912 ha hlôi đei pơjing. ‘Moi kiơ̆ rim tơdrong jang pơm tơlĕch tơmam drăm kơ rim hơnĭh au hlôi atŏk kơtang tơdrong tơplĭh jang mŭk drăm, mă lei jei ƀô̆h hơdăh dôm tơdrong tơnap tap, tơdrong tim mă ‘lơ̆ng hơ iă lơ̆m vei lăng kăl hơmet ming; lơ tơring tơ ƀơ̆p tơnap tap, sơ̆l vơ̆l lơ̆m tơplĭh trong jang hơnĭh jang kmaiw kmŏk pơm tơlĕch tơmam drăm kơ yuơ tĕh đak tơmơ̆t jên jang jing Kon pơlei pơm tơngla tơmơ̆t jên jang tơ iung pơjing păng mơdro sa... kăl đei trong jang hơ iă vă vei lăng kơ jăp, jơnei rim hơnĭh jang kmăi kmok pơm tơlĕch tơmam drăm lơ̆m khei năr kơnh

Tơblơ̆ nơ̆r: Amazưt