VOV4.Bahnar – Kơsơ̆ năr 24/11, ƀok Lê Hoài Trung, jang lơ̆m Trung ương Đảng, Kơdră Anih jang Tơbôl Trung ương Đảng cộng sản Việt Nam păng ƀok Tống Đào, jang lơ̆m Trung ương Đảng, Kơdră Anih jang Tơroi tơbătt jang Tơbôl Trung ương Đảng Cộng sản Trung Quốc, atŭm pơgơ̆r Hop akŏm trư̆k tuyê̆n tơroi găh đei jơnei Hop akŏm Trung ương 4 jăl 13 Đảng bơ̆n păng Hop akŏm Trung ương 6 jăl 19 Đảng Cộng sản Trung Quốc. Tơ̆ Hop akŏm, ƀok Lê Hoài Trung xơkơ̆t Đảng păng Teh đak Việt Nam hơnơ̆ng tơrĕk tơgŭm păng lui ngeh, Đảng păng kon pơlei Trung Quốc gô iŏk yua tơdrong juăt jue kơ hnưr erih nuih mơng, pơtoi đei jơnei tih 'nao lơ̆m tơdrong tơ iung pơjing chuh nghĩa xăh hô̆i kăp gĭt Trung Quốc. Ƀơ̆t 'măng âu, 2 păh hmach bơnê kơ dôm tơdrong hơtŏk kăp gĭt lơ̆m tơbôl kơ 2 Đảng, 2 teh đak lơ̆m khei năr âu ki; pơma đam găh dôm tơdrong jang hadoi lơ̆m khei năr truh, lơ̆m noh đei tơdrong pơtoi pơjing trong xơlam teh rơngei, tơbôl, hơtŏk tơ iung; hơtŏk jang hadoi, hơlen tơnăp tơdrong tơhĭl găh tơring đak dơxĭ, tơgop hơ 'nhăk tơbôl jang hadoi kơ 2 Đảng, 2 Khul kơpal păng kon pơlei 2 teh đak pơtoi đei jơnei hơ iă hloh dơ̆ng lơ̆m jăl jang 'nao.

Lan chih păng pơre nơ̆r